<p><b>បរទេស៖ </b>ក្លិបបិសាចក្រហម Manchester United បានដាក់សំណើ៤៥លានអឺរ៉ូ ដេញថ្លៃយកខ្សែប្រយុទ្ធអន្តរជាតិ សញ្ជាតិប្រេស៊ីល កីឡាករ<b> Antony</b> ពិក្លិប Ajax នេះបើយោងតាមការចុះផ្សាយរបស់ Metro ។</p><figure style="text-align:center"><img src="https://cms.dmpcdn.com/article/2022/06/13/981f9750-eaff-11ec-84e4-612f55803b38_original.png" alt="" style="width:100%"/></figure><p>ខ្សែប្រយុទ្ធស្លាបវ័យ២២ឆ្នាំខាងលើ ជាកីឡាករដ៏លេចធ្លោ ម្នាក់ក្រោមការដឹកនាំរបស់លោក Erik Ten Hag នៅ Ajax កាលពីរដូវកាលមុន ដោយរូបគេ​ រកបាន១២គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន១០ដង ក្នុងចំណោមការបង្ហាញខ្លួន ៣៣ប្រកួត គ្រប់កម្មវិធីទាំងអស់។</p><p>ជាមួយគ្នានេះ លោក&nbsp;Ten Hag ដែលជាអ្នកចាត់ការថ្មីរបស់​ Man UTD ពិតជាចាប់អារម្មណ៍ខ្លាំងទៅលើ សមត្ថភាព របស់ Antony និង ចង់នាំខ្សែប្រយុទ្ធសញ្ជាតិប្រេស៊ីលរូបនេះ មកកាន់ទឹកដី Old Trafford ដែរ។</p><figure style="text-align:center"><img src="https://cms.dmpcdn.com/article/2022/06/13/9918c460-eaff-11ec-8ce9-d781f80ed1c8_original.png" alt="" style="width:100%"/></figure><p>បើយោងអ្នកសារព័ត៌មានសញ្ជាតិប្រេស៊ីលលោក Jorge Nicola បានឲ្យដឹងថា លោកគ្រូ Ten Hag បានពិភាក្សាជាមួយថ្នាក់លើក្លិប ថា កីឡាករ&nbsp;Antony ស្ថិតនៅក្នុងបញ្ជីអាទិភាពនៃកីឡាករដែលគាត់ប្រាថ្នាចង់បានមុនរដូវកាលថ្មី។ តាមរយៈការស្នើនេះ ក្លិប​ Man UTD បានដាក់សំណើដេញថ្លៃដំបូងហើយ ក្នុងតម្លៃ៤៥លានអឺរ៉ូ សម្រាប់ Antony ។</p><figure style="text-align:center"><img src="https://cms.dmpcdn.com/article/2022/06/13/99c7f020-eaff-11ec-b1be-4d65ddd84b77_original.png" alt="" style="width:100%"/></figure><p>យ៉ាងណាមិញ ខាងក្លិប Ajax មិនទាន់ឆ្លើយតបពីសំណើ របស់​ Man UTD នៅឡើយទេ។ ដោយឡែក សម្រាប់កីឡាករ&nbsp;Antony ផ្ទាល់ ក៏មានបំណងផ្លាស់មកកាន់ Premier League ដែរ ដោយរូបគេបានបង្ហើបតាមរយៈវីដេអូមួយថា៖</p><blockquote><aside>ខ្ញុំសូមជូនពរអ្នកឱ្យល្អបំផុតនៅក្លិបថ្មីរបស់អ្នក។ ខ្ញុំក៏ចង់អរគុណអ្នក (លោក Ten Hag) សម្រាប់អ្វីគ្រប់យ៉ាងដែលអ្នកបានបង្រៀនខ្ញុំ។ ខ្ញុំ​អរគុណ​ចំពោះ​រាល់​ឱកាស​និង​ការ​រៀន​សូត្រ​ជា​រៀង​រាល់​ថ្ងៃ។ ត្រូវដឹងថា ខ្ញុំនឹងនៅជាមួយអ្នកជានិច្ច ប្រសិនបើអ្នកត្រូវការខ្ញុំ៕</aside><label>— <i>កីឡាករ Antony&nbsp;</i></label></blockquote><figure style="text-align:center"><img src="https://cms.dmpcdn.com/article/2022/06/13/9ae98cc0-eaff-11ec-97ec-4dd57e1b3ae7_original.png" alt="" style="width:100%"/></figure><p><b>ប្រភព៖​</b> <a href="https://m.allfootballapp.com/news">AF</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

ក្រោយបរាជ័យយក Nunez ក្លិប Man UTD បានបង្វែរទៅដាក់សំណើ៤៥លាន យកជើងក្រឡុករបស់ប្រេស៊ីលម្នាក់នេះ​​វិញ