ចប់បាត់ហើយ! កីឡាករ Man UTD ម្នាក់នេះអាចនឹងអវត្តមានពីទីលានរហូតដល់ ១ឆ្នាំ

អង់គ្លេស៖ ខ្សែបម្រើ Donny van de Beek អាចនឹងអវត្តមានពីក្រុម Manchester United រហូតដល់ទៅ១ឆ្នាំ បន្ទាប់ពីបានរងរបួសក្នុងការប្រកួតទល់នឹង Bournemouth។

​ភាគីលោក Erik Ten Hag បានយកឈ្នះ Bournemouth ៣ ទល់នឹង០ កាលពីថ្ងៃទី៤ខែមករា ដោយ de Beek បានជាប់ជម្រើស១១នាក់ដំបូងក្នុងការប្រកួតនេះ រហូតដល់នាទីទី ៤៥+២។​

van de Beek ត្រូវកីឡាករ Marcos Senesei ឈូសជើងដែលភ្លាមៗនោះក៏ត្រូវប្ដូរចេញទាំងទឹកភ្នែក ដោយលោក Ten Hag បានដាក់ Alejandro Garnacho ចូលជំនួសវិញ។​

សារព័ត៌មាន Sportskeeda បានផ្សាយថា Donny van de Beek ទំនងជាចំណាយពេលព្យាបាលរបួសដល់ទៅ១ឆ្នាំដែលមានន័យថា Man UTD នឹងបាត់បង់ខ្សែបម្រើម្នាក់នេះរហូតដល់ឆ្នាំ២០២៤៕

ប្រភព៖​ caughtoffside