អីយ៉ាស់! ស្ងាត់ៗ Barca ដាក់គោលដៅចូលចែចូវយកជើងខ្លាំងរបស់ Man UTD ម្នាក់នេះ

អេស្ប៉ាញ៖ យោងតាមសារព័ត៌មាន Calciomercatoweb គឺក្លិប Barcelona ត្រូវបានគេរាយការណ៍ថាចង់ទាក់ទងយក អ្នកចាំទី David De Gea ពីក្លិប Manchester United ។

De Gea គឺជាអ្នកចាំទីដៃទី១របស់ក្លិបបិសាចក្រហម បន្ទាប់ពីផ្ទេរពី Atletico Madrid មកកាន់ទឹកដី Old Trafford កាលឆ្នាំ២០១១។

យ៉ាងណាមិញ កុងត្រារបស់កីឡាករសញ្ជាតិអេស្ប៉ាញរូបនេះនឹងអស់សុពុលភាពជាមួយ Man UTD នៅចប់រដូវកាលនេះហើយដូច្នេះទើប ភាគីលោក Xavi Hernandez កំពុងតាមសម្លឹងមើលគេដើម្បីទុកយកមកជំនួស Marc-Andre Ter Stegen ។

គួរបញ្ជាក់ផងដែរថា David De Gea បង្ហាញខ្លួនបាន៥០៧ប្រកួតឲ្យ Manchester United និងរក្សាសំណាញ់ទីមិនឲ្យគូប្រកួតស៊ុតចូលចំនួន១៧៤ប្រកួត ដោយឈ្នះពាន៤ផងដែរ៕

ប្រភព៖​ sportskeeda