លោកគ្រូ Rangnick បង្ហាញការខកចិត្តបែបនេះ ក្រោយ Man UTD បានត្រឹមស្មើជាមួយក្រុម បាតតារាង Newcastle

December 28, 2021

អង់គ្លេស៖ លោក Ralf Rangnick បាននិយាយត្រង់ៗថា លោកពិតជាមិនពេញចិត្តទម្រង់លេងរបស់ក្រុមបិសាចក្រហម ManchesterUnited លេងទល់នឹងក្រុម Newcastle United ក្នុងការប្រកួតក្របខណ្ឌ Premier Leagueសប្ដាហ៍ទី១៩នោះទេ។

ជាការពិតណាស់ លោក Rangnick ដឹកនាំឈ្នះ ២ប្រកួតដំបូងនៅ Premier League ប៉ុន្តែ សម្រាប់ប្រកួតទី៣ លោកហាក់មានការខកចិត្ត ដោយលទ្ធផល បានត្រឹមស្មើជាមួយក្រុមបាតតារាងNewcastle ១ទល់នឹង១ ដែលធ្វើឲ្យក្ដីសង្ឃឹមក្នុងការប្រជែងយក Top 4 ហាក់កាន់តែឃ្លាត។

ជាមួយគ្នានេះ ក្រោយបញ្ចប់ការប្រកួតលោកគ្រូ បានថ្លែងពីអារម្មណ៍ខកចិត្តថា៖

ខ្ញុំពិតជាមិនពេញចិត្ត (ទម្រង់លេង) នោះទេ។ ពួកយើងបានព្យាយាម គ្រប់គ្រងការប្រកួតឲ្យបានកាន់តែប្រសើរឡើង។ ប៉ុន្តែពួកយើងធ្វើមិនបាន។ គ្រប់យ៉ាងស្ថិតនៅលើ កម្លាំង កាយសម្បទា និង ថាអ្នកណានឹងប្រជែងឈ្នះ ក្រោយបាត់បាល់ ហើយចំណុចទាំងអស់នោះ គឺពួកយើងធ្វើមិនអស់លទ្ធភាពនោះទេ។ ទីបំផុតពួកយើងទទួលបាន១ពិន្ទុ ដែលជារឿងល្អដែរ ប៉ុន្តែសម្រាប់ទម្រង់លេងទាំងមូល ត្រូវធ្វើយ៉ាងណាឲ្យបានប្រសើរជាងមុន។
— លោក Ralf Rangnick

ដៃគូរសហការ One Football

អានបន្ថែម