ផ្លូវការ! FIFA បានប្រកាសពីប្រទេសចំនួន៣ ដែលនឹងត្រូវទទួលសិទ្ធធ្វើជាម្ចាស់ផ្ទះ World Cup ២០២៦

បរទេស៖ FIFA បានប្រកាសពីទីក្រុងចំនួន ១៦សម្រាប់ធ្វើជាទីកន្លែងនៃការប្រកួត World Cup ២០២៦ ហើយការប្រកួតទាំងអស់នឹងប្រព្រឹត្តិទៅនៅប្រទេសចំនួន ៣ ក្នុងនោះមានសហរដ្ឋអាមេរិក, កាណាដា និង ម៉ិកស៊ិក។

ជាការពិតណាស់ សហរដ្ឋអាមេរិក នឹងប្រើប្រកាស់ទីក្រុងចំនួន១១សម្រាប់រៀបចំការប្រកួត World Cup ក្នុងនោះមានអាត្លង់តា, បូស្តុន, ដាឡាស, ហ៊ូស្តុន, កានសាសស៊ីធី, ឡូសអេនជឺលេស, ម៉ៃអាមី, ញូវយ៉ក,ហ្វីឡា, ដែលហ្វៀ, សាន់ហ្វ្រាន់ស៊ីស្កូ និង ស៊ីថល។

ចំណែក កាណាដា នឹងប្រើប្រាស់ទីក្រុងចំនួន២ ក្នុងនោះមាន Toronto និង Vancouver, រីឯ ម៉ិកស៊ិក វិញនឹងប្រើប្រាស់ទីក្រុងចំនួន ៣ក្នុងនោះមាន Guadalajara, Mexico City និង Monterrey៕

គួរបញ្ជាក់ថា សម្រាប់ World Cup ឆ្នាំ ២០២៦ នឹងមានកំណែទម្រង់ខ្លះៗទាក់ទងនឹងក្រុមប្រកួត ដោយនៅពេលនោះនឹងមានក្រុមចូលរួមសរុបចំនួន ៤៨ ក្រុម ដែលលើសពីទម្រង់ដើមចំនួន ១៦ ក្រុម៕