លេងឈុតធំ! Man UTD គ្រោងជះលុយ ៥០លានផោន ទិញយកតារាឆ្នើមអេស្ប៉ាញរូបនេះ

អឺរ៉ុប៖ ក្លិប Manchester United ត្រូវបានគេរាយការណ៍ថា គ្រោងនឹងចំណាយទឹកប្រាក់ចំនួន ៥០លានផោន​ (ឬប្រមាណ៦២លានដុល្លារ) ដើម្បីចុះហត្ថលេខានាំយកខ្សែការពារ Villarreal កីឡាករ Pau Torres មករួមក្រុមសម្រាប់រដូវកាលក្រោយ។

ជាការពិតណាស់ ក្រោយការមកដល់របស់លោក Erik Ten Hag គ្រប់គ្នាជឿជាក់ថា លោកនឹងរុះរើក្រុមក្នុងទ្រង់ទ្រាយធំដើម្បីរៀបចំក្រុមបិសាចក្រហមឡើងវិញ បន្ទាប់ពីក្លិបជួបនូវលទ្ធផលដុនដាបខ្លាំងក្នុងរដូវកាលដែលបានបញ្ចប់ទៅថ្មីៗនេះ តាមរយៈការនាំចូលកីឡាករថ្មីៗ

ក្នុងនោះផងដែរ បើយោងទៅតាមកាសែតកីឡា Marca បានលើកឡើងថា លោក Ten Hag កំពុងតែចាប់អារម្មណ៍ចង់បាន Torres មករួមក្រុមដើម្បីពង្រឹងតំបន់ការពារ ដោយលោកជឿជាក់ថា ខ្សែការពារកណ្តាលក្រុមជម្រើសជាតិអេស្ប៉ាញរូបនេះ អាចការពារបានរឹងមាំ ជាពិសេសគេអាចចែកបាល់ពីក្រោមបានច្បាស់ ដែលជាផែនការនៃការរៀបចំទម្រង់លេងរបស់លោក៕

ប្រភព៖​ sportskeeda