ផ្លូវការ! Aston Villa បានទិញយកខ្សែបម្រើមួយរូបពី Norwich City
អង់គ្លេស៖ ក្លិប Aston Villa បានធ្វើការប្រកាសជាផ្លូវការ ក្នុងការទិញយកខ្សែបម្រើអាហ្សង់ទីន Emi Buendia ពីក្លិប Norwich City ម្សិលមិញនេះបើយោងតាមការចុះផ្សាយរបស់ក្លិបនេះផ្ទាល់។
បើតាមសារព័ត៌មានជាច្រើនបានចុះផ្សាយថា ក្លឹបខាងលើបានព្រមព្រៀងទិញយក Buendia ពី Norwich City ក្នុងតម្លៃជាង៤៦លានដុល្លារ។
យ៉ាងណាក្ដីខាងក្លិបទាំងពីរមិនទាន់បានប្រកាសជាផ្លូវការពីតម្លៃខ្លួន ដែលពួកគេបានទិញលក់ ក៏ដូចជារយៈពេលកុងត្រាជាមួយកីឡាករនេះនៅឡើយទេ ដោយខាងភាគីទាំងសងខាងនឹងធ្វើការប្រកាសជាលម្អិត ក្រោយពេលដែលខ្សែបម្រើរូបនេះត្រលប់មកពីការចូលរួមប្រកួតជម្រុះ World Cup នៅថ្ងៃនេះ។
គួរបញ្ជាក់ផងដែរថា Buendia បានប្រឡូកអាជីពកីឡាករបាល់ទាត់ក្រុមឈុតធំតាំងពីឆ្នាំ២០១៣មក ដោយចូលរួមលេងបាន២៣៧ប្រកួត និងរកគ្រាប់បាល់បាន៤១គ្រាប់៕
ប្រភព៖ Aston Villa