តោះ! មកស្គាល់ក្រុមជម្រើសជាតិតែមួយគត់ ដែលប្រេស៊ីលមិនដែលបានយកឈ្នះសូម្បីម្តងក្នុងការជួបគ្នាកន្លងមក - TrueID

តោះ! មកស្គាល់ក្រុមជម្រើសជាតិតែមួយគត់ ដែលប្រេស៊ីលមិនដែលបានយកឈ្នះសូម្បីម្តងក្នុងការជួបគ្នាកន្លងមក

November 6, 2022

បរទេស៖ ដូចដែលប្រិយមិត្តគាំទ្របាល់ទាត់ បានដឹងហើយថាក្រុមជម្រើសជាតិ ប្រេស៊ីល គឺជាក្រុមមួយដែលសម្បូរកីឡាករខ្លាំងៗមែនទែន និងត្រូវគេចាត់ទុកជាក្រុមជម្រើសជាតិដែលជោគជ័យបំផុតនៅ World Cup ជាក់ស្តែងគឺប្រេស៊ីល ក្លាយជាម្ចាស់ជើងឯកបាល់ទាត់ពិភពលោកនេះបាន ៥ សម័យឯណោះ។

ក្រុមជម្រើសជាតិ ប្រេស៊ីល
ក្រុមជម្រើសជាតិ ប្រេស៊ីល

យ៉ាងណាមិញ អ្នកទាំងអស់គ្នាធ្លាប់ឆ្ងល់ដែរទេថា បើក្រុមនេះខ្លាំងម្លឹងៗ ចុះក្រុមមួយណាដែលប្រេស៊ីល មិនធ្លាប់បំបាក់បាន? ចម្លើយគឺមាន! ហើយក្រុមនោះមិនមែនជាក្រុមជម្រើសជាតិអាល្លឺម៉ង់ អេស្ប៉ាញ អង់គ្លេស អាហ្សង់ទីន ឬព័រទុយកាល់នោះទេ...តែជាក្រុមជម្រើសជាតិន័រវេស!

ការជួបគ្នារវាង ប្រេស៊ីល ទល់នឹងក្រុម ន័រវែស
ការជួបគ្នារវាង ប្រេស៊ីល ទល់នឹងក្រុម ន័រវែស

ក្រុមជម្រើសជាតិន័រវេសធ្លាប់ជួបប៉ះ ប្រេស៊ីល ៤ដង គឺទី១នៅថ្ងៃទី២៨ខែកក្កដា ឆ្នាំ១៩៨៨ នោះគឺ ក្រុមទាំងពីរប្រកួតស្មើគ្នា១ទល់នឹង១, លើកទី២ ប្រកួតនាថ្ងៃទី៣០ខែឧសភា ឆ្នាំ១៩៩៧ ហើយ ប្រេស៊ីល បានចាញ់ ន័រវេស ៤ ទល់នឹង២ , ចំណែកឯលើកទី៣ ធ្វើឡើងនាថ្ងៃទី ២៣ ខែមិថុនា ឆ្នាំ១៩៩៨ ហើយ ប្រេស៊ីល បានបន្តចាញ់ ន័រវេស ២ទល់នឹង១ ។ជំនួបចុងក្រោយនាថ្ងៃទី១៦ខែសីហា ឆ្នាំ២០០៦ គឺ ន័រវេស លេងស្មើ ប្រេស៊ីល ១ ទល់នឹង១។

សរុបមកគឺ លទ្ធផលនៃការប្រកួតទាំងបួនគឺឈ្នះពីរដង និងស្មើពីរដង គឺ មានន័យថា ន័រវេស នៅតែជាក្រុមមិនធ្លាប់ស្គាល់ពាក្យថាចាញ់ ប្រេស៊ីល នោះទេ៕

ប្រភព៖​ snl24.com

ដៃគូរសហការ One Football

អាន​បន្ថែម
Loading...
Loading...
Loading...
Loading...