ធុញនឹងរបួសញឹកពេក! ឥលូវអតីតកីឡាករ Liverpool រូបនេះ ប្រកាស ចូលនិវត្តន៍ពីបាល់ទាត់ហើយ ត្រឹមវ័យ២៩ឆ្នាំ

October 19, 2022

បរទេស៖ អតីតខ្សែការពារក្រុមហង្សក្រហម Liverpool កីឡាករ Jon Flanagan ដែលធ្លាប់ស្នាក់នៅទឹកដី Anfield ចន្លោះពីឆ្នាំ២០១០ ដល់២០១៨នោះ បានប្រកាសចូលនិវត្តន៍ពីអាជីពជាកីឡាករបាល់ទាត់ហើយ ក្នុងវ័យ២៩ឆ្នាំ ដោយសារតែមានបញ្ហារបួសជង្គង់ ញាំញីពេក។

ទាក់ទងនឹងរឿងនេះ Flanagan បានលើកឡើងយ៉ាងដូច្នេះថា៖

ជាការពិតណាស់ ខ្ញុំត្រូវគិតគូលើ សុខភាពរយៈពេលវែងរបស់ខ្ញុំ ជាមុនសិន។ ដូច្នេះការធ្វើតាមការណែនាំរបស់គ្រូពេទ្យ គឺជាអ្វីដែលត្រឹមត្រូវសម្រាប់ខ្ញុំក្នុងពេលនេះ ពោលគឺចូលនិវត្តន៍ពីការប្រកួត។ ក្តីសុបិនរបស់ខ្ញុំកាលនៅក្មេងគឺចង់ធំឡើង និងលេងបាល់ទាត់ដើម្បីចិញ្ចឹមជីវិត ហើយថ្ងៃនេះខ្ញុំមានមោទកភាពណាស់ដែលអាចនិយាយបានថាខ្ញុំបានសម្រេច សុបិននោះ។
មិនត្រឹមតែបានចូលលេង ហើយធ្វើជាប្រធានក្រុម Liverpool ដែលជាក្លិបកំណើតរបស់ខ្ញុំប៉ុណ្ណោះទេ ប៉ុន្តែការដែលបាន បង្ហាញខ្លួនសម្រាប់ប្រទេសរបស់ខ្ញុំ គឺជាការចងចាំ ដែលនៅស្ថិតស្ថេរអស់មួយជីវិត ហើយខ្ញុំពិតជាមានអំណរគុណណាស់ដែលខ្ញុំអាចទទួលបាន បទពិសោធន៍ដែលអ្នកដទៃភាគច្រើនប្រាថ្នាចង់បាន។
— Jon Flanagan

ប្រភព៖ Liverpool

ដៃគូរសហការ One Football

អានបន្ថែម