បរទេស៖ ខ្សែប្រយុទ្ធជើងចាស់ AC Milan កីឡាករ Olivier Giroud បានច្រានចោលសំណើពីក្លិប Everton នៅថ្ងៃចុងក្រោយនៃទីផ្សារដោះដូវកីឡាករខែមករា កាលពីថ្ងៃអង្គារកន្លងទៅ។
បើតាមកាសែត Sky Italia បានឲ្យដឹងថា Everton បានដាក់សំណើទៅ Giroud កាលពីព្រឹកថ្ងៃអង្គារដើម្បីយកអតីតជើងស៊ុតរបស់ Arsenal និង Chelsea រូបនេះ ក្នុងលក្ខខណ្ឌខ្ចីជើងរហូតដល់ចប់រដូវកាល ប៉ុន្តែកីឡាករសញ្ជាតិបារាំងរូបនេះបានបដិសេធ។
Giroud បានប្តេជ្ញាចិត្តថានឹងនៅជាមួយ Milan ពោលកីឡាករវ័យ ៣៦ ឆ្នាំ រូបនេះ មានកិច្ចសន្យារហូតដល់ចុងបញ្ចប់នៃរដូវកាលនៅទឹកដី San Siro ៕
ប្រភព៖ AF