លោក Roy Keane ថាតាំងពីប៉ុន្មាននាក់នេះចាកចេញទៅ គឺ Man UTD លេងល្អជាងមុន

February 3, 2023

អង់គ្លេស៖ លោក Roy Keane បាននិយាយថាការចាកចេញរបស់ Cristiano Ronaldo, Juan Mata, Nemanja Matic និង Paul Pogba ពិតជាធ្វើឲ្យក្រុម Manchester United លេងបានល្អជាងមុន។

ខ្សែប្រយុទ្ធ Cristiano Ronaldo និង Paul Pogba

Pogba បានចាកចេញពីទឹកដី Old Trafford កាលពីចប់រដូវកាល ២០២០-២០២១ ដោយផ្ទេរទៅ Juventus ខណៈដែល Ronaldo ទើបតែចែកផ្លូវជាមួយបិសាចក្រហមកាលពីចុងឆ្នាំ២០២២នេះ។ ឯចំណែក Juan Mata និង Nemanja Matic វិញគឺចាកចេញពីបិសាចក្រហមកាលពីរដូវក្ដៅឆ្នាំ២០២២។

ខ្សែបម្រើ Paul Pogba និង Cristiano Ronaldo

ដោយឡែកលោក Keane បានបង្ហាញការយល់ឃើញចំពោះការលេងរបស់ Man UTD នាពេលនេះថា៖

នៅពេលគ្រូបង្វឹកនេះមកដល់ Manchester United ជាក្រុមដ៏អន់ធ្លាក់ចំណុចសូន្យតែម្ដង ហើយខ្ញុំគិតថាការចាកចេញរបស់កីឡាករដូចជា Pogba, Mata, Matic, Jesse Lingard គឺបានជួយក្លិប។ ឥលូវនេះក្លិបមានថាមពលថ្មី ហើយគ្រូបង្វឹកបានដោះស្រាយរឿងខ្លះ ដែលធ្វើឲ្យថាមពលរបស់ក្លិបគឺខុសប្លែកពីមុន។ ខ្ញុំគិតថាការចាកចេញរបស់គេ (Ronaldo) គឺបានជួយដល់អ្នកចាត់ការ។ ស្ថានភាពរបស់ Ronaldo គឺគេនឹងមិនសប្បាយចិត្តទេបើអង្គុយកៅអីបម្រុងហើយពេលនេះក្លិបបានដោះស្រាយរួចស្រេចបាច់ មិនឲ្យជាប់ជំពាក់ជំពិនទៀតទេ។
— លោក Roy Keane

ប្រភព៖ sportskeeda

ដៃគូរសហការ One Football

អានបន្ថែម