អីយ៉ាស់! កីឡាករ Man UTD ជាច្រើនរូបកំពុងរំពឹងថា គ្រូម្នាក់នេះនឹងមកដឹកនាំក្រុមនៅរដូវកាលក្រោយ

អង់គ្លេស៖ កីឡាករមួយចំនួនរបស់ Manchester United ត្រូវបានគេរាយការណ៍ថា មានការរំពឹងទុកយ៉ាងខ្ពស់អំពីវត្តមានរបស់លោក Mauricio Pochettino ដឹកនាំក្រុមនារដូវកាលក្រោយ។ 

ជាការពិតណាស់ Man Utd បានសម្រេចបណ្តេញលោក Ole Gunnar Solskjaer ឲ្យចេញពីតំណែងកាលពីខែវិឆ្ឆិកាកន្លងទៅ និង ជំនួសមកវិញដោយលោក Ralf Ragnick ដែលមកក្នុងតួនាទីជាអ្នកចាត់ការបណ្តោះអាសន្នរហូតដល់បញ្ចប់រដូវកាល។ ក្រោយបញ្ចប់រដូវកាលនេះ ក្រុមបិសាចក្រហមនឹងត្រូវតែងតាំងលោកជាអ្នកប្រឹក្សាក្លិបក្នុងកុងត្រារយៈពេល២ឆ្នាំ ដូច្នេះមានន័យថាក្លិបនឹងត្រូវស្វែងរកអ្នកចាត់ការថ្មីមកជំនួសវិញ។ ក្នុងនោះ ក្លិបក៏មានទំនាក់ទំនងក្នុងការតែងតាំងលោក Pochettino ជា អ្នកចាត់ការក្រុមផងដែរ។  

បើយោងទៅតាមការចុះផ្សាយរបស់ The Sun បានលើកឡើងថា កីឡាករមួយចំនួននៅ Man Utd បានរំពឹងថា លោក Pochettino នឹងចូលមកជំនួសតំណែងរបស់លោក Rangnick ចាប់ពីរដូវកាលក្រោយនេះ ខណៈ គ្រូបង្វឹកសញ្ជាតិអាហ្សង់ទីនខាងលើក៏ធ្លាប់បានបង្ហើបថា លោកចង់ដឹកនាំ Man Utd ដូចគ្នានៅថ្ងៃណាមួយ៕

ប្រភព៖​ sportskeeda