លេចឮថា PSG ចាប់អារម្មណ៍ចង់ទិញយកតារាឆ្នើម R.Madrid រូបនេះ

បារាំង៖ ក្លិប Paris Saint-Germain ត្រូវបានគេរាយការណ៍ថាចាប់អារម្មណ៍ចង់ទិញយកខ្សែប្រយុទ្ធ Rodrygo Goes ពីក្លិប Real Madrid ។​

Rodrygo ដែលមានវ័យ២២ឆ្នាំគឺជាកីឡាករសំខាន់ម្នាក់ក្នុងក្រុម  ដោយនៅរដូវកាលនេះគេរកបាន៩គ្រាប់ហើយ និងបញ្ជូនបាល់៦គ្រាប់ ក្នុងការបង្ហាញខ្លួន២៩ប្រកួត។​

សារព័ត៌មាន El Nacional បានផ្សាយថា PSG កំពុងឃ្លាំមើល Rodrygo ហើយក៏ទាក់ចិត្តនឹងសមត្ថភាពរបស់កីឡាករសញ្ជាតិប្រេស៊ីលរូបនេះ។

​Rodrygo នៅសល់កុងត្រាស្នាក់នៅទឹកដី Santiago Bernabeu រហូតដល់ឆ្នាំ២០២៥។​

គួរបញ្ជាក់ផងដែរថា Rodrygo Goes រកបាន២៧គ្រាប់ក្នុងការបង្ហាញខ្លួន១៣៧ប្រកួតឲ្យ Real Madrid ៕

ប្រភព៖​ sportskeeda