មិត្តចាស់! កីឡាករ Juventus រូបនេះទំនងជាផ្ទេរទៅ Al-Nassr តាម Ronaldo ដែរ

អ៊ីតាលី៖ កីឡាករ Juan Cuadrado នៃក្លិប Juventus អាចនឹងផ្លាស់ទៅក្លិប Al-Nassr នៅប្រទេសអារ៉ាប់ប៊ីសាអូឌីត និងធ្វើជាមិត្តរួមក្រុមរបស់ Cristiano Ronaldo សាជាថ្មី នេះបើយោងតាមការចុះផ្សាយរបស់ AS ។

​Al-Nassr គ្រោងនឹងដាក់សំណើទឹកប្រាក់មហាសាលក្នុងការបញ្ចុះបញ្ចូលឲ្យ Cuadrado ចូលរួមជាមួយពួកគេនៅរដូវក្ដៅខាងមុខ។

​កីឡាករសញ្ជាតិកូឡំប៊ីរូបនេះ នៅសល់កុងត្រាស្នាក់នៅទឹកដី Allianz Stadium តែ៦ខែទៀតប៉ុណ្ណោះ ហើយមកទល់ពេលនេះរូបគេអាចបើកការចរចាជាមួយក្លិបផ្សេងបានហើយ ខណៈដែល Juventus មិនចង់បន្តកុងត្រាថ្មីដល់រូបគេឡើយ។​

ក្រៅពី Al-Nassr គឺ Inter Milan ក៏ចង់ចុះកុងត្រាយក Juan Cuadrado ផងដែរ៕

ប្រភព៖​ sportskeeda