អបអរសាទរ! Chelsea ទិញបានកីឡាករជម្រើសជាតិបារាំងរូបនេះហើយ ក្នុងតម្លៃ៦០លានអឺរ៉ូ

អង់គ្លេស៖ ក្លិបតោខៀវ Chelsea ត្រូវបានគេរាយការណ៍ថា ទិញបានខ្សែប្រយុទ្ធរបស់ក្លិប RB Leipzig កីឡាករ Christopher Nkunku ហើយ ពោលរង់ចាំតែការប្រកាសផ្លូវការប៉ុណ្ណោះ។

ជាការពិតណាស់ Nkunku គឺ ជាតួអង្គឆ្នើមជាងគេមិនអាចខ្វះបានរបស់ Leipzig នារដូវកាលនេះ បន្ទាប់ពីរូបគេបានរួមចំណែករកបាន ១២គ្រាប់ ក្នុងចំណោមការបង្ហាញខ្លួន ១៥ប្រកួត នាក្របខណ្ឌ Bundesliga នារដូវកាលនេះ ប៉ុន្តែ ក្រោយចប់រដូវកាល រូបគេនឹងត្រូវលាអ្នកគាំទ្រដើម្បីមកសាកល្បងរសជាតិបាល់ទាត់នៅប្រទេសអង់គ្លេសវិញម្តង។

ចំពោះតម្លៃខ្លួនដែល Chelsea បានផ្តល់ទៅឲ្យ Leipzig នោះ គឺមានចំនួនប្រមាណជា ៦០លានដុល្លារ ហើយ រូបគេនឹងមកចូលរួមជាមួយក្លិបនៅក្នុងខែ កក្កដា ឆ្នាំ២០២៣ ខណៈ ការប្រកាសផ្លូវការនឹងធ្វើឡើងក្រោយបញ្ចប់រដូវកាលនេះដើម្បីជាការគោរពដល់អ្នកគាំទ្រ និង ភាគីនៃក្លិប Leipzig៕

ប្រភព៖​ Fabrizio Romano