កីឡាករ Foden អរគុណគ្រូជម្រើសជាតិ ដែលបានផ្ដល់ឱកាសឲ្យរូបគេលេង Euro 2020 នេះ
អង់គ្លេស៖ ខ្សែបម្រើក្លិប Manchester City កីឡាករ Phil Foden បាននិយាយកាលពីពេលថ្មីៗនេះថា គេអរគុណដល់លោក Gareth Southgate គ្រូជម្រើសជាតិអង់គ្លេស ដែលបានផ្ដល់ឱកាសឲ្យគេចូលលេង UEFA Euro 2020 នេះ។
Foden បាននិយាយថា៖" និយាយទៅខ្ញុំធ្លាប់បង្កកំហុសមួយ។ នៅពេលហ្នឹងខ្ញុំនៅក្មេងប៉ុន្តែលោក Gareth គាត់ផ្ដល់ឱកាសឲ្យខ្ញុំ គាត់ថាបើខ្ញុំនៅតែខិតខំប្រឹងលេងឲ្យតែបានល្អទៅ គាត់នឹងឲ្យឱកាសខ្ញុំម្ដងទៀត"។
កីឡាករនេះបន្តថា៖" អញ្ចឹងហើយខ្ញុំខិតខំលេងឲ្យបានល្អហ្នឹងព្រោះមិនងាយមានគ្រូណាដែលផ្ដល់ឱកាសឲ្យយើងម្ដងទៀតនោះទេ។ ដោយសារតែបែបនេះហើយទើបខ្ញុំចង់អរគុណគាត់ខ្លាំងមែនទែន ដែលផ្ដល់ឱកាសឲ្យខ្ញុំនេះ"។
គួរបញ្ជាក់ផងដែរថា កាលពី Foden បានល្មើសនឹងច្បាប់កូវីដ-១៩ធ្ងន់ធ្ងរ ដែលធ្វើឲ្យក្រុមជម្រើសជាតិដាក់ពិន័យទម្លាក់គេចេញពីក្រុម ប៉ុន្តែនៅក្នុងឆ្នាំនេះជាពិសេសប្រកួត Euro 2020 នេះក្រុមនេះបានដាក់ឈ្មោះគេឲ្យចូលប្រកួតឡើងវិញ៕
ប្រភព៖ Goal