អីយ៉ាស់! Muller បានព្រ»_មានទៅ Messi, Neymar, Mbappe បែបនេះ មុនប៉ះគ្នានៅវគ្គ១៦ក្រុម UCL

January 6, 2023

អាល្លឺម៉ង់៖ ខ្សែប្រយុទ្ធ Thomas Muller បានធ្វើការព្រមានទៅ ខ្សែប្រយុទ្ធជួរមុខទាំងបីរបស់ Paris Saint-Germain គឺ Lionel Messi, Kylian Mbappe និង Neymar Jr. ថាពួកគេធ្វើអីមិនកើតទេ ពេលប៉ះ Bayern Munich នៅការប្រកួត Champions League វគ្គ១៦ក្រុម។

Bayern និង PSG នឹងជួបគ្នានៅថ្ងៃទី ១៥ ខែកុម្ភៈខាងមុខ សម្រាប់ការប្រកួតវគ្គ១៦ក្រុម ជើងទី១ ហើយជើងទី២គឺធ្វើឡើងនាថ្ងៃទី៩ខែមិនា។

ដោយឡែក Messi,Neymar , Mbappe គឺជាកីឡាករដ៏ឆ្នើមក្នុងពិភពបាល់ទាត់ ដោយទាំង Messi និង Mbappe ពិតជាធ្វើបានល្អនៅការប្រកួតបាល់ទាត់ពិភពលោកឆ្នាំ២០២២ ដោយ Messi បានឈ្នះពានបាល់មាស និងបានជួយជម្រើសជាតិអាហ្សង់ទីនលើកពាន ខណៈដែល Mbappe បានឈ្នះពានស្បែកជើងមាសក្នុងនាមជាអ្នកស៊ុតបញ្ចូលទីបានច្រើនជាងគេ ប្រចាំព្រឹត្តិការណ៍។ ចំណែក Neymar វិញរកបានសរុប ១៥គ្រាប់ ក្នុងនោះរកបាន២គ្រាប់នៅព្រឹត្តិការណ៍បាល់ទាត់ពិភពលោក។

Muller ឯណេះវិញគិតថា Messi, Neymar និង Mbappe គឺជាកីឡាករល្អ តែពួកគេនឹងធ្វើអីមិនកើតទេពេលប៉ះ Bayern៖

បើយោងតាមទស្សនៈរបស់ខ្ញុំគឺ វាគឺជាក្លិបដែលមានក្ដីរំភើបជាងគេក្នុងលោក។ កីឡាករទាំងបីនោះគឺជាកីឡាករកំពូលដែលមានឆន្ទៈខ្ពស់ ហើយវាពិតជាអស្ចារ្យដែលបានមើលពួកគេពីខាងក្រៅ។ ប៉ុន្តែបើលេងទល់នឹងយើងវិញ ជាសំណាងអាក្រក់ណាស់ គឺឥទ្ធិពលពួកគេនឹងត្រូវសម្រាកសិនហើយ។
— ខ្សែប្រយុទ្ធ Thomas Muller

ខ្សែប្រយុទ្ធ Thomas Muller — ខ្សែប្រយុទ្ធ Thomas Muller

ប្រភព៖ sportskeeda

ដៃគូរសហការ One Football

អានបន្ថែម