អ្នកណាគេ? Di Maria ថា នៅលើទីលានប្រកួត ម្នាក់នេះតែងតែចង់ក្លាយជាកីឡាករល្អដាច់គេ

November 2, 2021

បរទេស៖ ខ្សែប្រយុទ្ធក្លិប Paris Saint Germain កីឡាករ Angel Di Maria បានលើកឡើងថា នៅលើទីលានប្រកួត Cristiano Ronaldo តែងតែចង់ក្លាយទៅជាកីឡាករដែលល្អជាងគេបំផុត។

ជាការពិតណាស់ Di Maria គឹ ជាអតីតមិត្តរួមក្រុមរបស់ Ronaldo កាលនៅលេងជាមួយ Real Madrid នៅចន្លោះឆ្នាំ ២០១០-២០១៤ ដែលពេលនោះអ្នកទាំងពីរធ្លាប់បានរួមចំណែកជួយក្រុមឈ្នះពានរង្វាន់ធំៗជាមួយគ្នាជាច្រើនផងដែរ។

កីឡាករ Angel Di Maria និង Cristiano Ronaldo

Di Maria បាននិយាយថា៖

ខ្ញុំបានអញ្ជើញ Ronaldo ទៅចូលរួមកម្មវិធីខួបកំណើតរបស់ខ្ញុំឯទីក្រុងម៉ាឌ្រីដ ហើយ ខ្ញុំគិតថា គាត់នឹងមិនមកចូលរួមឡើយ ប៉ុន្តែ ចុងក្រោយ គឹ គាត់មក។ គាត់បានអង្គុយនិយាយគ្នាលេងជាមួយមិត្តភក្តិរបស់ខ្ញុំ ដូចស្គាល់គ្នាធម្មតាអ៊ីចឹង។ ខ្ញុំពិតជាភ្ញាក់ផ្អើលណាស់។ នៅលើទីលាន គាត់តែងតែចង់ក្លាយទៅជាកីឡាករដែលល្អដាច់គេ ប៉ុន្តែ នៅក្រៅទីលានគាត់ប្រៀបបានដូចជាមនុស្សពីរផ្សេងគ្នា។ គាត់ពិតជាគួរឲ្យគោរពណាស់៕
— កីឡាករ Angel Di Maria

ប្រភព៖ the football arena

ដៃគូរសហការ One Football

អានបន្ថែម