កុំចេះជាងគ្រូពេក! Southgate វាយបកទៅពាក្យរិះគន់របស់ Keane រឿងរើសកីឡាករខុស

June 8, 2021

អង់គ្លេស៖ អតីតប្រធានក្រុមរបស់ Manchester United គឺលោក Roy Keane ធ្លាប់បានរិះគន់ ថាខ្សែបម្រើ Jordan Henderson មិនគួរត្រូវកោះហៅឲ្យចូលលេងនៅជម្រើសជាតិអង់គ្លេសសម្រាប់ព្រឹត្តិការណ៍ Euro 2020 នេះឡើយព្រោះគេអាក់ខានចូលទីលានដល់ទៅ៣ខែកន្លះ និងទើបបានចូលលេងក្នុងការប្រកួតមិត្តភាពរវាង អង់គ្លេស និង រ៉ូម៉ាននី ហើយអ្វីដែលសំខាន់គឺ Henderson ក៏បានខានស៊ុតបាល់ប៉េណាល់ទីមិនចូលផងដែរ។

Henderson បានទទួលរងការរិះគន់ពីសំណាក់អ្នកគាំទ្រក្រុមជម្រើសជាតិមិនសំចៃមាត់ ដោយសារតែគេបានដណ្ដើមបាល់ប៉េណាល់ទីពីខ្សែប្រយុទ្ធ Dominic Calvert-Lewin ខណៈដែល Southgate ធ្លាប់បានថ្លែងថា អ្នកទទួលបន្ទុកស៊ុតបាល់ពិន័យ១១ម៉ែត្រក្នុងក្រុមរួមមាន Marcus Rashford, James Ward-Prowse និង Dominic Calvert-Lewin។

ដោយឡែក ថ្លែងតបនឹងរឿងដែល Keane រិះគន់ Henderson លោកគ្រូបង្វឹក Gareth Southgate បាននិយាយថា៖

ខ្ញុំគិតថាពួកយើងមិនបានធ្វើមិនដឹងមិនឮទេ ពួកយើងដឹងពីស្ថានភាពរបស់ Hendo(Jordan Henderson) គេគឺជាកីឡាករដែលមានឥទ្ធិពលល្អក្នុងក្រុម។ការប្រកួតទល់នឹងរ៉ូម៉ាននីនេះចាត់ទុកជាជំហានមួយដ៏ល្អសម្រាប់សាកល្បងកាយសម្បទារបស់គេដែលនោះជារឿងសំខាន់ណាស់សម្រាប់គេ ហើយពួកយើងទទួលយកការពិតតាមស្ថានភាពជាក់ស្ដែង។ វាមិនមែនជាពេលដែលយើងត្រូវបែកចែកគ្នីគ្នានោះឡើយ។ ពួកយើងមិនបានពឹងផ្អែកទាំងស្រុកលើគេនោះឡើយ ហើយបើសិនពួកយើងអាចធ្វើឲ្យគេចូលលេងនិងរកគ្រាប់បាល់បាននោះជារឿងល្អ។ ពួកយើងមានកីឡាករដល់ទៅ២៦រូប។ ពួកយើងបានហ្វឹកហាត់ស៊ុតប៉េណាល់ទីយ៉ាងសស្រាក់សស្រាំ ហើយខ្ញុំមិនរំពឹងទុកថារឿងគ្រប់យ៉ាងត្រូវតែកើតឡើងនោះដែរតែខ្ញុំក៏មិនចង់ឲ្យមានអ្នកណាខកខានឱកាសស៊ុតបាល់ប៉េណាល់ទីដែរ។
— លោកគ្រូបង្វឹក Gareth Southgate

លោកគ្រូបង្វឹក Gareth Southgate និងខ្សែបម្រើ Jordan Henderson

ប្រភព៖ mirror

អានបន្ថែម