Shaw បង្ហើបពីវិធីតាមបិទ Haaland ក្រោយយកឈ្នះ Man City ២-១

January 16, 2023

អង់គ្លេស៖ ខ្សែការពារ Luke Shaw បាននិយាយថា វាជាការងារក្រុមទាំងមូលក្នុងការតាមបិទ ខ្សែប្រយុទ្ធ Erling Haaland មិនឲ្យស៊ុតបញ្ចូលទី បន្ទាប់ពីយកឈ្នះ Manchester City ២ ទល់នឹង១ ក្នុងការប្រកួត Premier League កាលពីថ្ងៃសៅរ៍ទី១៤ខែមករាកន្លងមក។

ខ្សែប្រយុទ្ធ Erling Haaland និង Manchester United

ក្នុងនោះដែរ Bruno Fernandes និង Marcus Rashford សុទ្ធតែបានស៊ុតបញ្ចូលទីម្នាក់១គ្រាប់ ខណៈដែល Halaand ដែលជាកីឡាករឆ្នើមរបស់ Man City វិញគឺពុំបានស៊ុតបញ្ចូលទីនោះឡើយ។

Halaand កំពុងក្លាយជាកីឡាករដែលស៊ុតបញ្ចូលទីបានច្រើនជាងគេនៅ Premier League នារដូវកាលនេះគឺដល់ទៅ២១គ្រាប់ឯណោះ។

ដោយឡែក បន្ទាប់ពីចប់ការប្រកួត Shaw បាននិយាយថា៖

ពួកយើងពិតជាសប្បាយចិត្ត ខ្ញុំគិតថាពួកយើងសមនឹងឈ្នះ។ នៅតង់ដំបូង ពួកយើងមានឱកាសច្រើន ហើយពួកយើងក៏ចាប់យកវា។ ពិតជាមានមោទកភាពនឹងក្រុមនេះណាស់ ហើយគ្រប់គ្នានៅលើទីលានផងដែរ គឺពួកគេខំប្រឹងអស់សមត្ថភាពហើយ។ ជាពិសេសគឺជាមួយកីឡាករដែលមានឥទ្ធិពលក្នុងការប្រកួត គឺក្រុមទាំងមូលពិតជាជួយបានច្រើន។
— ខ្សែការពារ Luke Shaw

ខ្សែការពារ Luke Shaw — ខ្សែការពារ Luke Shaw

ប្រភព៖ metro

ដៃគូរសហការ One Football

អានបន្ថែម