នៅពេលគេឱ្យជ្រើរើសថានរណាល្អបំផុតរវាង M10 និង CR7 តែ Nunez បែរជាចុចឈ្មោះយកខ្សែប្រយុទ្ធរូបនេះវិញ

បរទេស៖ ខ្សែប្រយុទ្ធ Darwin Nunez របស់ Liverpool បានផ្តល់ចម្លើយយ៉ាងគួរឱ្យភ្ញាក់ផ្អើល នៅពេលគេឱ្យជ្រើសរើសថានរណាល្អបំផុតរវាង Lionel Messi និង Cristiano Ronaldo។

ជាការពិតណាស់ Messi និង Ronaldo ត្រូវបានគេចាត់ទុកថា ជាស្តេចបាល់ទាត់ក្នុងលោកនាពេលបច្ចុប្បន្ន, ហើយជារឿយៗអ្នកទាំង ២ តែងតែត្រូវបានគេយកមកប្រៀបធៀបគ្នាថានរណាល្អជាងនរណា ហើយនរណាជា GOAT ពិតប្រាកដ។

សូមរម្លឹកថា កាលពីថ្ងៃទី ៣០ ខែ ធ្នូ ឆ្នាំ ២០២២ នៅពេល Nunez ធ្វើដំណើរចេញពីកន្លែងហ្វឹកហាត់ រូបគេត្រូវបានអ្នកគាំទ្រស្នើឱ្យជ្រើសរើសយកម្នាក់រវាង Messi និង Ronaldo ហើយចម្លើយចុងក្រោយនោះ រូបគេបែជាចុចឈ្មោះយក "Mohamed Salah" ដែលជាមិត្តរួមក្រុមរបស់ខ្លួនទៅវិញ៕

ប្រភព៖​ Sportskeeda