លោក Petit ថាគ្រប់គ្នានៅ Man UTD សុទ្ធតែបន់ឲ្យម្នាក់នេះចាកចេញឲ្យឆាប់ៗ

October 25, 2022

អង់គ្លេស៖ លោក Emmanuel Petit បាននិយាយថា ខ្សែប្រយុទ្ធ Cristiano Ronaldo ជាអ្នកបំពុលបរិយាកាសនៅក្នុងបន្ទប់ផ្លាស់សំលៀកបំពាក់ក្រុម Manchester United ហើយមិត្តរួមក្រុមទាំងអស់សុទ្ធតែចង់ឲ្យគេចាកចេញ។

Ronaldo មានបញ្ហាល្អក់កករជាមួយ Manchester United ដោយត្រូវក្លិបពិន័យមិនឲ្យចូលប្រកួតទល់នឹង Chelsea ដោយសារតែគេបានបង្ហាញកាយវិការមួម៉ៅនិងដើរចេញពីទីលានទាំងការប្រកួតទល់នឹង Spurs មិនទាន់ចប់។

ខ្សែប្រយុទ្ធ Cristiano Ronaldo ដើរចេញពីទីលាន — ខ្សែប្រយុទ្ធ Cristiano Ronaldo ដើរចេញពីទីលាន

ដូច្នេះហើយទើបលោក Petit បានរិះគន់គេថា៖

គេធ្វើឲ្យគ្រប់គ្នាហត់នឿយគឺទាំងអ្នកគាំទ្រ និងមិត្តរួមក្រុម។ ពួកគេមិនចង់ឲ្យគេនៅបន្ទប់ផ្លាស់សំលៀកបំពាក់ទៀតទេ។ គេបំពុលបរិយាកាសគ្រប់គ្នាខ្លាំងណាស់។ គេមានអាជីពមួយដ៏អស្ចារ្យ ប៉ុន្តែអត្តចរិតរបស់គេគឺបុគ្គលនិយម។
— លោក Emmanuel Petit

ប្រភព៖ metro

ដៃគូរសហការ One Football

អានបន្ថែម