លាហើយ! ទីបំផុតជើងចាស់ Bayern Munich រូបនេះ ចាកចេញពីក្លិបក្រោយចំណាយពេលអស់១០ឆ្នាំ

អឺរ៉ុប៖ កីឡាករ JeromeBoateng បានសម្រេចទៅចូលរួមជាមួយក្លិបបារាំង Lyon ដែលជាការផ្ទេរដោយពុំមានតម្លៃខ្លួន បន្ទាប់ពីបានចំណាយពេលលេងនៅក្លិប​ Bayern Munich អស់រយៈពេល១០ឆ្នាំ។

ខ្សែការពារចាស់វស្សារូបនេះ ពិនិត្យសុខភាពបានជោគជ័យហើយកាលពីថ្ងៃអង្គារនិងបានចុះកុងត្រាដល់ឆ្នាំ២០២៣។

ពិតណាស់ ក្លិប BayernMunich បានប្រកាសកាលពីខែមេសាថា Boateng  នឹងចាកចេញនៅចុងបញ្ចប់នៃរដូវកាលស្របពេលផុតកុងត្រា។ ក្លិបអាល្លឺម៉ង់មួយនេះ ក៏មានអ្នកស្នងតំណែងរួចហើយដែរ បន្ទាប់ពីបានចុះហត្ថលេខាយកកីឡាករDayot Upamecano វ័យ២២ឆ្នាំ ពីក្លិប RB Leipzig នៅរដូវក្ដៅនេះ។

គួររម្លឹកថា Boateng បច្ចុប្បន្នវ័យ៣២ឆ្នាំ បានផ្ទេរពីក្លិប Manchester City មកចូលរួមជាមួយក្លិប Bayern Munich ដំបូងក្នុងឆ្នាំ២០១១ហើយគាត់ជាកីឡាករម្នាក់ក្នុងចំណោមកីឡាកររបស់ក្លិប ដែលឈ្នះពានរង្វាន់ច្រើនជាងគេផងដែរ សរុបចំនួន ២១គ្រឿង៕

ប្រភព៖​ thesun