ចំៗពេកហើយ! លោក McAvennie ថា Man Utd មិនគួរទិញយក កីឡាករអន់ដូចម្នាក់នេះ មករួមក្រុមទេ

January 2, 2022

បរទេស៖ កីឡាករជើងចាស់របស់ក្រុម West Ham លោក Frank McAvennie បានចេញមុខនិយាយចំៗថា ក្រុម Manchester United មិនគួរ ទិញកីឡាករអន់ដូចជា ខ្សែការពារ Harry Maguire មករួមក្រុមទេ។

ជាការពិតណាស់ Maguire បានធ្វើឲ្យអ្នកគាំទ្រក្រុម Man Utd មានការទើសទែងចិត្តជាថ្មីម្តងទៀត បន្ទាប់ពីការបង្ហាញទម្រង់លេង របស់គេ កាលពីប្រកួតទល់ក្រុម Newcastle United ប៉ុន្មានថ្ងៃមុននេះ។

លោក McAvennie បាននិយាយថា៖

ខ្ញុំជឿថា ទោះខ្ញុំអាយុ ៦២ឆ្នាំ ក៏ខ្ញុំអាចឈ្នះគេបានដែរ ព្រោះខ្ញុំឃើញទម្រង់លេងគេកាលប៉ះ Newcastle គឺ ពិតជាអន់ខ្លាំងណាស់។ ខ្ញុំដឹងថា ខ្ញុំឧស្សាហ៍ រិះគន់ក្រុម Man Utd ប៉ុន្តែខ្ញុំឃើញកីឡាករផ្សេងៗគេអន់តែ ពីរបីប្រកួតទេ ចំណែកឯ Maguire វិញអន់សឹងតែគ្រប់ការប្រកួតហើយ។ គេបង្កកំហុសដដែលៗច្រើនណាស់ ហើយ Man Utd មិនព្រមដកគេចេញទេ។ មួយវិញទៀត គេប្រៀបដូចជា កីឡាករក្តីសុបិន្ត របស់ខ្សែប្រយុទ្ធចឹង ព្រោះខ្សែប្រយុទ្ធផ្សេងៗ បន់ឲ្យតែគេចូលលេងទេ ព្រោះពួកគេងាយបង្កើតឱកាស៕
— លោក Frank McAvennie

ប្រភព៖ Sportskeeda

ដៃគូរសហការ One Football

អានបន្ថែម