បរទេស៖ ខ្សែប្រយុទ្ធឆ្នើម Kylian Mbappe បានប្រាប់ទៅប្រធានក្លិប Paris Saint-Germain លោក Nasser Al-Khelaifi ថាគេនឹងមិនចាកចេញទៅណាទេ ប្រសិនបើក្លិបអាចចុះកុងត្រាយកលោក Zinedine Zidane មកដឹកនាំជំនួសលោក Christophe Galtier បាន។
ជាការពិតណាស់ កាលពីដើមរដូវកាល ២០២២-២០២៣ កន្លងទៅ Mabppe ត្រូវបានគេរំពឹងយ៉ាងខ្ពស់ថា រូបគេនឹងអាចផ្ទេរទៅកាន់ក្លិបអធិរាជស Real Madrid, ប៉ុន្តែចុងក្រោយរូបគេបានសម្រេចចិត្តបន្តកុងត្រាថ្មី ដោយស្នាក់នៅជាមួយ PSG រយៈពេល ៣ ឆ្នាំបន្ថែមទៀត។
ទោះបីជាយ៉ាងណាក៏ដោយ ឥឡូវនេះមានព័ត៌មានថា Mbappe គឺមិនសប្បាយចិត្តនឹងស្ថានភាពរបស់ក្លិបបច្ចុប្បន្ននោះទេ ហើយរូបគេក៏មានបំណងចង់ចាកចេញផងដែរ, ប៉ុន្តែកាសែត El Nacional បានចុះផ្សាយថា ខ្សែប្រយុទ្ធវ័យ ២៤ ឆ្នាំខាងបានដាក់លក្ខខណ្ឌថា គេនឹងយល់ព្រមស្នាក់នៅជាមួយក្លិបយក្សបារាំងបន្តទៀត ប្រសិនបើក្លិបអាចចុះកុងត្រាយកលោក Zidane អតីតគ្រូបង្វឹកមកដឹកនាំជំនួសគ្រូបង្វឹកបច្ចុប្បន្នលោក Galtier បាន៕
ប្រភព៖ Sportskeeda