អត់ចង់ទុកទេ! Barca កំពុងចង់ឲ្យម្នាក់នេះចាកចេញពីក្លិបខ្លាំងមែនទែន

អេស្ប៉ាញ៖ ក្លិប Barcelona ត្រូវបានគេរាយការណ៍ថាចង់លក់ខ្សែការពារ Sergino Dest ចេញឲ្យបានកាន់តែឆាប់កាន់តែល្អ។​

Dest បានផ្ទេរពី Ajax មកទឹកដី Camp Nou កាលពីឆ្នាំ២០២០ ក្រោមការដឹកនាំរបស់លោក Ronald Koeman ប៉ុន្តែកីឡាកររូបនេះពុំបានលេងល្អដូចការរំពឹងទុកទេ។​

រហូតដល់លោក Xavi Hernandez ចូលមកដឹកនាំគឺ Dest កាន់តែគ្មានឱកាសបានលេងនិងត្រូវដាក់ឲ្យ AC Milan ខ្ចីជើងនៅរដូវកាលនេះ។

Barca សង្ឃឹមថា AC Milan នឹងទិញយក Dest ផ្ដាច់ក្នុងតម្លៃ២០លានអឺរ៉ូ(ស្មើនឹងប្រមាណ ២១.៧ លានដុល្លារ) ប៉ុន្តែ Marca បានចុះផ្សាយថា AC Milan នឹងមិនទិញយកគេផ្ដាច់នោះឡើយ៕

ប្រភព៖​ football-espana