ម៉េចបានចឹង? ទោះបីជាលើកពាន UCL ក្តី តែកីឡាករ R.Madrid រូបនេះ ថាខ្លួនហាក់ដូចជា ខ្វះការគោរព

May 29, 2022

បរទេស៖ អ្នកចាំទី ដៃស្អិត Thibaut Courtois រអ៊ូថា ខ្លួនខ្វះការគោរពក្រោយពី លើកពាន Champion League រួច។

ជាការពិតណាស់ R.Madrid បានគ្រងជើងឯក UCL លើកទី ១៤ ក្រោយពីបានយកឈ្នះលើក្រុម Liverpool កាលពីយប់មិញនេះ ក្នុងលទ្ធផល ១-០ ដែលរកបានដោយកីឡាករ Vinicius Jr នៅនាទី ទី៥៩។ ជាក់ស្តែង យើងឃើញថា Liverpool ក៏ព្យាយាមសម្រុកណាស់ដែរ ក៏ប៉ុន្តែ ដោយសារការរក្សាសំណាញ់ទី បានយ៉ាងល្អឥតខ្ចោះរបស់ Courtois គឺ បានជួយឲ្យ R.Madrid បានជ័យជម្នះបានសម្រេច។

Courtois បាននិយាយថា៖

កាលពីខែ មីនា មានទស្សនាវដ្ដីមួយ បានចុះផ្សាយ ដោយគ្មានដាក់ឈ្មោះខ្ញុំក្នុងចំណោមអ្នកចាំទី ទាំង១០នាក់ដែលល្អទេ។ ខ្ញុំមិនដឹងថា មកពីហេតុអ្វីទេ ខ្ញុំគ្រាន់តែដឹងថា បែបនេះដូចខ្វះការគោរពមកលើខ្ញុំពេកហើយ។ ខ្ញុំមិនមែនបានន័យថា ឲ្យដាក់ឈ្មោះខ្ញុំជាប់លេខ១ អីទេ ព្រោះនៅមានអ្នកចាំទីផ្សេងទៀតដែលល្អៗដែរ ដូចជា Alisson, Mendy, Oblak, Ederson ខ្ញុំគ្រាន់តែមានអារម្មណ៍ថា ចម្លែកណាស់។
— Thibaut Courtois

ប្រភព៖ sportskeeda

ដៃគូរសហការ One Football

អានបន្ថែម