មកទស្សនាគ្រាប់បាល់ទាំង ៣ គ្រាប់ ដែល Man UTD លត់ Bournemouth យប់មិញសុទ្ធតែគ្រាប់បច្ចេកទេស(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃ ពុធ ទី ០៤ ខែ មករា ឆ្នាំ ២០២៣ ក្រុមម្ចាស់ផ្ទះ Manchester United បានបើកទ្វាកីឡដ្ឋាន Old Trafford របស់ខ្លួន ទទួលស្វាគមន៍ក្រុមភ្ញៀវ Bournemouth នៅក្នុងការប្រកួតសប្តាហ៍ទី ១៨ នៃក្របខណ្ឌ Premier League។

ជាការពិតណាស់ ក្រុមម្ចាស់ផ្ទះ Man UTD ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេទទួលជ័យជម្នះទៅលើក្រុម Bournemouth ៣-០ ដែលក្នុងនោះស៊ុតបញ្ចូលទីដោយ Casemiro នៅនាទីទី ២៣, Luke Shaw នៅនាទីទី ៤៩ និង Marcus Rashford រកបានគ្រាប់ចុងក្រោយនៅនាទីទី ៨៦។

គួរបញ្ជាក់ថា Man UTD បច្ចុប្បន្នបានហក់ឡើងមកឈរនៅលេខរៀងទី ៤ វិញហើយ ក្រោយឆ្លងកាត់ ១៧ ប្រកួត ពួកគេឈ្នះ ១១ ស្មើ ២ និងចាញ់ ៤ មាន ៣៥ ពិន្ទុក្នុងដៃ, ចំណែក Bournemouth វិញកំពុងឈរនៅលេខរៀងទី ១៥ ក្រោយឆ្លងកាត់ ១៨ ប្រកួតពួកគេឈ្នះ ៤ ស្មើ ៤ និងចាញ់ ១០ មាន ១៦ ពិន្ទុ៕

សូមទស្សនាវីដេអូខាងក្រោម៖