អ៊េមហួស! បើកឆាក Copa America ប្រេសុីល លើកទ័ពទៅលត់ វ៉េណេស៊ុយអេឡា ៣គ្រាប់ទាំងព្រលឹម (មានវីដេអូ)

ឡាទីន៖ ក្រុមជម្រើសជាតិប្រេសុីល បានយកឈ្នះទៅលើ ក្រុមជម្រើសជាតិវ៉េណេស៊ុយអេឡា ក្នុងការប្រកួតបើកឆាកនៃពានរង្វាន់ Copa America។

ជាការពិតណាស់ នៅក្នុងវគ្គទីមួយ ប្រេសុីល បានបើកការវាយសម្រុកទៅកាន់ វ៉េណេស៊ុយអេឡា ខ្លាំងមែនទែនរហូតមានគ្រាប់បាល់កើតឡើងពីសំណាក់កីឡាករ Marquinhos និង ជាគ្រាប់បាល់តែមួយគត់នៅក្នុង៤៥នាទីដំបូង។

លុះឈានចូលវគ្គទីពីរ ប្រេសុីល មិនដកថយការសម្រុកឡើយ ពោល ឈានដល់នាទីទី៦៤ កីឡាកររបស់វ៉េណេស៊ុយអេឡាបានធ្វើឲ្យ Danilo ដួលក្នុងតំបន់គ្រោះថ្នាក់  ហើយ អ្នកដែរសម្រេចចិត្តក្នុងការទាត់បាល់ប៉េណាល់ទី គឺ ជា Neymar។ ជិតបញ្ចប់ការប្រកួតទៅហើយនៅនាទីទី៨៩ ប្រេសុីល ក៏បន្ថែមមួយគ្រាប់ទៀតដោយ Gabriel Barbosa ធ្វើឲ្យចប់ការប្រកួត ប្រេសុីល បានយកឈ្នះ វ៉េណេស៊ុយអេឡា ក្នុងលទ្ធផល ៣ទល់នឹង០ និង ទទួលបានបីពិន្ទុបើកឆាកក្នុងពានរង្វាន់ Copa America៕