សម្បូរលុយណាស់! Barca ចង់ទិញយកតារាឆ្នើមប្រចាំ Liverpool រូបនេះក្នុងតម្លៃជាង៨០លាន

អេស្ប៉ាញ៖ ក្លិប Barcelona ត្រូវបានសារព័ត៌មាន Futbol Total បានចុះផ្សាយថាកំពុងចាប់អារម្មណ៍លើខ្សែការពារ Trent Alexander-Arnold មករួមក្រុម ដោយក្លិបអាចចាយលុយខ្ទង់៨០លានអឺរ៉ូ(ស្មើនឹងប្រមាណ ៨០លានដុល្លារ)។

ភាគីលោក Xavi Hernandez ចង់បាន Arnold បន្ទាប់ពីបានទិញយកកីឡាករមួយចំនួនដូចជា Robert Lewandowski, Jules Kounde, Franck Kessie និង Andreas Christensen ជាដើម។

Barca ចង់យកកីឡាករសញ្ជាតិអង់គ្លេសរូបនេះមកជំនួសខ្សែការពារ Sergino Dest ដែលកំពុងត្រូវក្លិប Atletico Madrid និង Manchester United ចាប់អារម្មណ៍ចង់បាន។

គួរបញ្ជាក់ផងដែរថា Trent Alexander-Arnold ចូលលេងបាន២២៧ប្រកួត ដោយស៊ុតបញ្ចូលទីបាន១៣គ្រាប់ និងបញ្ជូនបាល់៦២គ្រាប់៕

ប្រភព៖​ sportskeeda