ខុសគ្នាដាច់ឆ្ងាយ! លោក Paul Parker ថាម្នាក់នេះអត់សម យកមកប្រៀបធៀបនឹង Messi សោះ

December 23, 2022

អង់គ្លេស៖ លោក Paul Parker បាននិយាយថា Lionel Messi គឺជាកីឡាករឆ្នើមបំផុតគ្រប់ពេលវេលា ហើយ Cristiano Ronaldo មិនសមនឹងត្រូវគេយកមកប្រៀបធៀបនឹង Messi ឡើយ។

ខ្សែប្រយុទ្ធ Cristiano Ronaldo និង Lionel Messi

Messi បានជួយក្រុមជម្រើសជាតិអាហ្សង់ទីន លើកពានបាល់ទាត់ពិភពលោកឆ្នាំ២០២២ ក្រោយយកឈ្នះបារាំងនៅវគ្គផ្ដាច់ព្រ័ត្រ ហើយរូបគេថែមទាំងឈ្នះពានបាល់មាសប្រចាំព្រឹត្តិការណ៍នេះផងដែរ។

ការឈ្នះពាននេះហើយធ្វើឲ្យ Messi ត្រូវអ្នកគាំទ្រលើកតម្កើងថាគេជាកីឡាករល្អបំផុតគ្រប់ពេលវេលា (GOAT) ។

ដូច្នេះហើយលោក Paul Parker បាននិយាយថា៖

Messi គឺជាកីឡាករល្អបំផុតគ្រប់ពេលវេលា។ អ្វីដែលគេបានធ្វើក្នុងរយៈពេលជាច្រើនឆ្នាំមកនេះ គឺពិតជាឆ្កួតណាស់។ ខ្ញុំពិតជាគោរពគេ ហើយកីឡាករល្អបំផុតគឺត្រូវតែជា Messi ។ ប៉ុន្តែ Ronaldo ប្រេស៊ីល ក៏ជាកីឡាករល្អម្នាក់ដែរ។ ខ្ញុំមិនដែលមើល Diego Maradona លេងឲ្យក្លិបទេ គឺគ្រាន់តែមើលតាម Youtube ហើយពិតណាស់ខ្ញុំមើលគេលេងនៅជម្រើសជាតិ។ គេពិតជាអស្ចារ្យ ហើយខ្ញុំនៅតែគិតថា Messi ជាកីឡាករល្អបំផុត។ Cristiano Ronaldo មិនគួរនៅក្នុងការជជែកប្រៀបធៀបនេះទេ។ គេបានកសាងខ្លួនក្លាយជាកីឡាករល្អម្នាក់ប៉ុន្តែមិនអាចឈានដល់កម្រិតដូច Ronaldo Nazario, Ronaldinho, Maradona និង Messi បានទេ។
— លោក Paul Parker

ប្រភព៖ sportskeeda

ដៃគូរសហការ One Football

អានបន្ថែម