ស្ងាត់ៗ Barcelona ជិតយកបាន ជម្រើសជាតិព័រទុយកាល់ ម្នាក់នេះហើយ

អេស្ប៉ាញ៖ ក្លិប Barcelona ពិតជាចាប់អារម្មណ៍ចង់ទិញយក ខ្សែបម្រើ Ruben Neves ពីក្លិប Wolves ខ្លាំងណាស់។

​កីឡាករសញ្ជាតិព័រទុយកាល់រូបនេះបានក្លាយជាកីឡាករស្នូលរបស់ Wolves តាំងពីចូលរួមជាមួយក្លិបនៅឆ្នាំ២០១៧។ គេបានបង្ហាញខ្លួន ២៣៣ប្រកួត ដោយស៊ុតបញ្ចូលទី២៨គ្រាប់ និងបញ្ជូនបាល់១២គ្រាប់។​

សារព័ត៌មាន SPORT បានចុះផ្សាយថា ភាគីលោក Xavi Hernandez បានចរចាទុកជាមុនជាមួយខ្សែបម្រើរូបនេះ ព្រមទាំងក្លិប Wolves ហើយ ដោយ Barca អាចយកគេបានក្នុងតម្លៃមួយដ៏ធូរថ្លៃ ដោយសារ Wolves ត្រូវការដោះដូរយកកីឡាករ Franck Kessie ឬ Nico Gonzalez ។​

Ruben Neves ក៏ចង់ផ្លាស់មក Barcelona ផងដែរខណៈដែលកុងត្រារបស់គេនឹងអស់សុពុលភាពនៅរដូវក្ដៅឆ្នាំ២០២៤៕

ប្រភព៖​ sportskeeda