គិតចឹងដែរអត់? លោក Scholes ថា បើ Man UTD យកអ្នកចាត់ការរូបនេះមកដឹកនាំក្រុម តាំងពីយូរល្អបាត់

January 12, 2022

បរទេស៖ វីរបុរសក្លិប Manchester United លោក Paul Scholes ថា បើក្លិបយក លោក Antonio Conte មកដឹកនាំក្រុម តាំងពីយូរល្អបាត់ហើយ។

ជាការពិតណាស់ អ្នកចាត់ការទូទៅក្រុម Man Utd បច្ចុប្បន្នលោក Ralf Rangnick កំពុងតែទទួលការរិះគន់ជាច្រើនពីសំណាក់អ្នកគាំទ្រ ដែលទាក់ទងទៅនឹងទម្រង់លេង ៤-២-២-២ របស់លោក។ ជាក់ស្តែងយើងឃើញថា ទម្រង់នេះគឺពុំសូវមានប្រសិទ្ធភាពមែន ទើបជាហេតុនាំឲ្យ លោក Scholes ថាបើយកលោក Conte មកជំនួសបែបល្អជាង។

លោក Scholes បាននិយាយថា៖

Man Utd គួរតែចេញរក អ្នកដឹកនាំកំពូលៗ ដែលកំពុងមានលើលោក ហើយខ្ញុំឃើញពួកគេយកមកលើកនេះ ដូចជាគ្មានអ្វីអស្ចារ្យសោះ។ ពួកគេគួរតែយកគ្រូកំពូលៗម្នាក់ក្នុងចំណោមគ្រូៗកំពូលទាំងអស់លើលោក ហើយពួកគេដឹងហើយថា លោក Klopp, លោក Pep, និង លោក Tuchel គឺមិនងាយយកបានស្រួលៗទេ ក៏ប៉ុន្តែលោក Conte ពេលកំពុងទំនេរហេតុអ្វីមិនយកមក? យើងឃើញ Spurs ពេលនេះទេ? ក្រុម Spurs ល្អមិនស្មើ Man Utd ផង នៅលោក Conte រុះរើឲ្យងើបមកវិញបានយ៉ាងល្អ។ ខ្ញុំគិតថា Man Utd មិនទាន់ហួសពេលក្នុងការយកលោក Conte មកដឹកនាំក្រុមទេ ពេលលោកមកដល់ យើងចាំមើលទៅថា លោកពិតជាដឹកនាំក្រុមបានល្អប៉ុណ្ណា៕
— លោក Paul Scholes

ប្រភព៖ dailymail

ដៃគូរសហការ One Football

អានបន្ថែម