សមហើយ! លោក Pep និយាយបែបនេះក្រោយ Man City ធ្លាក់ចេញពីពាន EFL Cup ក្រោមថ្វីជើង Southampton

January 12, 2023

អង់គ្លេស៖ លោក Pep Guardiola បាននិយាយថាក្រុមលោកសមនឹងចាញ់ហើយ ព្រោះលេងមិនបានល្អតាំងពីដើមតង់ បន្ទាប់ពីចាញ់ Southampton ធ្លាក់ចេញពីពាន EFL Cup ត្រឹមវគ្គ៨ក្រុម កាលពីយប់ថ្ងៃទី១២ខែមករាកន្លងទៅ។

ក្នុងការប្រកួតនេះដែរ Southampton បានយកឈ្នះ Manchester City ២ ទល់នឹង០ ស៊ុតបញ្ចូលទីដោយកីឡាករ Sekou Mara និង Moussa Djenepo ។

វាជាបរាជ័យមួយដ៏គួរឲ្យតក់ស្លុតដោយសារ Man City ជាក្រុមជើងឯក EFL Cup (Carabao Cup) ចំនួន៦សម័យតាំងពីឆ្នាំ២០១៤មក។

បន្ទាប់ពីចប់ការប្រកួត លោក Pep បាននិយាយថា៖

ក្រុមដែលលេងល្អជាងឈ្នះ។ ពួកយើងលេងមិនបានល្អទេ តាំងពីដើមតង់មក។ មានការប្រកួតជាច្រើនដែលអ្នកអាចលេងមិនសូវល្អពីដើម តែអាចយកឈ្នះបាននៅទីបំផុត ប៉ុន្តែពួកយើងបែរជាមិនអាចធ្វើបែបនោះបាន។ នៅពេលអ្នកមិនទាន់ត្រៀមខ្លួនលេងក្នុងការប្រកួតនេះ អ្នករាងយឺតពេល និងមិនបានស៊ុតបញ្ចូលទី។ នៅពេលអ្នករៀបចំខ្លួនបានល្អគឺអ្នកអាចស៊ុតបញ្ចូលទីបាន។ យប់នេះជាយប់ដ៏អាក្រក់មួយ។ គូប្រជែងគឺពិតជាលេងបានល្អដូច្នេះពួកយើងត្រូវតែអបអរសាទរគេ។ ដើម្បីឈ្នះការប្រកួត អ្នកគឺត្រូវតែសមនឹងឈ្នះ ហើយយប់នេះពួកយើងមិនសមនឹងឈ្នះទេ។
— លោក Pep Guardiola

ប្រភព៖ metro

ដៃគូរសហការ One Football

អានបន្ថែម