អេស្ប៉ាញ៖ យោងតាមសារព័ត៌មាន Metro បានឲ្យដឹងថា អ្នកចាត់ការថ្មីរបស់ក្លិបស្ដេចស Real Madrid លោក Carlo Ancelotti ចង់នាំយកអតីតកីឡាកររបស់ខ្លួននៅក្លិបEverton គឺកីឡាករ Dominic Calvert-Lewin មកកាន់កីឡដ្ឋាន Bernabeu និងមើលឃើញខ្សែរប្រយុទ្ធក្លិបChelsea កីឡាករ Timo Werner ជាជម្រើសបន្ទាប់។<figure style="text-align:center"><img src="https://cms.dmpcdn.com/article/2021/06/21/642c76a0-d234-11eb-8340-c7a52bdc65c7_original.jpg" alt="កីឡាករ&amp;nbsp;Calvert-Lewin" style="width:100%"/><figcaption>កីឡាករ&nbsp;Calvert-Lewin</figcaption></figure>Calvert-Lewin ជាខ្សែប្រយុទ្ធវ័យ ២៤ឆ្នាំ ដែលរកគ្រាប់បាល់បាន២១គ្រាប់ ក្នុងការបង្ហាញខ្លួន ៣៩ប្រកួតសម្រាប់ក្លិបស្ករគ្រាប់ Everton កាលពីរដូវកាលកន្លងទៅនេះ។ ហើយថ្វីត្បិត ក្លិប Everton អាចនឹងមានការស្ទាក់ស្ទើរក្នុងការដោះលែងកីឡាករសំខាន់រូបនេះក្ដី ប៉ុន្ដែលោកAncelotti ក៏កំពុងពិចារណានាំយកកីឡាករ Timo Werner សម្រាប់រដូវក្ដៅនេះ។<figure style="text-align:center"><img src="https://cms.dmpcdn.com/article/2021/06/21/6480d830-d234-11eb-8340-c7a52bdc65c7_original.jpg" alt="កីឡាករ Timo Werner" style="width:100%"/><figcaption>កីឡាករ Timo Werner</figcaption></figure>Werner វ័យ ២៥ឆ្នាំ ទើបមក StamfordBridge បាន១រដូវកាល ដោយរកគ្រាប់បាល់បានតែ ១២គ្រាប់ប៉ុណ្ណោះ ក្នុងការបង្ហាញខ្លួន៥២ប្រកួត ប៉ុន្ដែកីឡាករជម្រើសជាតិអាល្លឺម៉ង់រូបនេះ ក៏បានរួមចំណែកជួយក្រុមលោក ThomasTuchel ឈ្នះពានរង្វាន់ Champions League ផងដែរ។គួររម្លឹកបន្ដិចថា លោក Ancelotti គ្រូបង្វឹកវ័យ ៦១ឆ្នាំ គឺជាអតីតអ្នកចាប់ការក្លិប Real Madrid រយៈពេល ២ឆ្នាំផងដែរ នៅចន្លោះឆ្នាំ ២០១៣ និង ២០១៥ ហើយទើបត្រូវបានក្លិបយកនៅអេស្ប៉ាញមួយនេះតែងតាំងលោកជាអ្នកចាត់ការថ្មី ក្រោយការចាកចេញរបស់លោក Zinedine Zidane ៕ប្រភព៖​ <a href="https://metro.co.uk/2021/06/20/real-madrid-carlo-ancelotti-considers-signing-chelsea-everton-stars-transfer-14801206/?fbclid=IwAR2Hy-87G94N2tRHq7MgvjkX4yAeO0SWayq2SZNCV7uPn3gzvp4onhlQsPg">metro</a>

អីយ៉ាស់! គ្រូថ្មី Real Madrid សម្លឹងឃើញកីឡាកររបស់ Chelsea និង Everton ២រូបនេះហើយ