លេចឮថា បងប្អូន Manchester ទាំងពីរកំពុងដណ្ដើមគ្នាទិញយកជម្រើសជាតិអេស្ប៉ាញម្នាក់នេះ

អង់គ្លេស៖ ក្លិប Manchester United និង Manchester City ត្រូវបានគេរាយការណ៍ថាចង់ទិញយកកីឡាករ Dani Olmo នៃក្លិប RB Leipzig ។

Olmo បានផ្ទេរទៅ Leipzig តាំងពីឆ្នាំ២០២០ ដោយកីឡាករវ័យ២៤ឆ្នាំរូបនេះបានក្លាយជាកីឡាករស្នូលមួយរូបក្នុងក្រុម។ រូបគេស៊ុតបញ្ចូលទីនិងបញ្ជូនបាល់បាន៦គ្រាប់កាលពីរដូវកាលមុន។

សារព័ត៌មាន Fichajes ផ្សាយថា ជម្រើសជាតិអេស្ប៉ាញរូបនេះកំពុងទាក់ទាញក្លិបនៅប្រទេសអង់គ្លេស ហើយ ក្លិប Manchester ទាំងពីរពិតជាចង់បានគេណាស់ស្របពេល Barcelona ក៏ដាក់គោលដៅយករូបគេដែរ៕

ប្រភព៖​ caughtoffside