<p><b>អឺរ៉ុប៖</b> ភ្នាក់ងាររបស់លោក <b>Andrea Pirlo</b> បានធ្វើការបញ្ចាក់ថា លោកនឹងអាចមកដឹកនាំនៅ<b> Barcelona</b> ក្នុងថ្ងៃណាមួយនាពេលអនាគត។</p><figure style="text-align:center"><img src="https://cms.dmpcdn.com/article/2021/05/04/f2b6f830-ac84-11eb-a73b-c395e0dfc07b_original.png" alt="លោក Andrea Pirlo" style="width:100%"/><figcaption>លោក Andrea Pirlo</figcaption></figure><p>ជាការពិតណាស់ លោក Pirlo បានបញ្ចប់ភារកិច្ចជាមួយនឹងក្លិប​ Juventus តាំងពីខែមេសា មកម្ល៉េះ ហើយលោកក៏កំពុងតែមានទំនាក់ទំនងក្នុងការមកដឹកនាំនៅកីឡដ្ឋាន Camp Nou ផងដែរ បន្ទាប់ពីមានដំណឹងក្នុងការបណ្តេញគ្រូចាស់រសប់ក្លិបគឺ លោក Ronald Koeman។</p><figure style="text-align:center"><img src="https://cms.dmpcdn.com/article/2021/10/14/43119580-2ca3-11ec-be9d-838428bcfc5b_original.png" alt="លោក Ronald Koeman" style="width:100%"/><figcaption>លោក Ronald Koeman</figcaption></figure><p>លោក Tullio Tinti ដែលជាភ្នាក់ងាររបស់លោក Pirlo បានលើកឡើងទៀតថា&nbsp; លោកមិនទាន់បានបើកការពិភាក្សាអ្វីជាមួយក្លិបនៅឡើយទេ ប៉ុន្តែលោកជឿជាក់ថា វានឹងអាចកើតឡើងនៅថ្ងៃណាមួយក្នុងពេលអនាគត។</p><p>គួរបញ្ចាក់ផងដែរថា កាលនៅ Juventus លោក Pirlo បានដឹកនាំក្រុមឲ្យឈ្នះបាន ៣៤ប្រកួត ស្មើ ១០ប្រកួត និង ចាញ់ ៨ប្រកួត ក្នុងចំណោមការប្រកួត ៥២លើក៕</p><p><b>ប្រភព៖​</b> <a href="https://www.sportsmole.co.uk/football/barcelona/news/andrea-pirlo-agent-addresses-barcelona-rumours_467216.html">Sportsmole</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

អីយ៉ាស់! លេចឮថា អតីតគ្រូ Juventus រូបនេះ គ្រោងទៅជំនួសតំណែងលោក Koeman នៅ Barca