កាន់តែកាច! Man City កាន់តែកៀកក្នុងការគ្រងពាន Premier League ក្រោយយប់មិញលត់ Newcastle ៥-០(មានវីដេអូ)

បរទេស៖ កាលពីយប់ថ្ងៃអាទិត្យកន្លងទៅ ត្រូវនឹងថ្ងៃទី ០៨ ខែ ឧសភាឆ្នាំ ២០២២ ក្រុមម្ចាស់ផ្ទះ Manchester City បានបើកទ្វាកីឡដ្ឋាន Etihad Stadium របស់ខ្លួនទទួលស្វាគមន៍ក្រុមភ្ញៀវ Newcastle United នៅក្នុងការប្រកួតសប្តាហ៍ទី ៣៦ នៃក្របខណ្ឌ PremierLeague។

ជាការពិតណាស់ ក្រុមម្ចាស់ផ្ទះ Man City ពិតជាធ្វើបានល្អមែនទែន ដោយបញ្ចប់ការប្រកួត ៩០នាទីពេញពួកគេទទួលជ័យជម្នះទៅលើក្រុម Newcastle ក្នុងលទ្ធផល​៥-០, ក្នុងនោះ Raheem Sterling រកបាន ២ គ្រាប់ម្នាក់ឯង, និង Aymeric Laporte, Rodri, Phil Foden រកបានម្នាក់មួយគ្រាប់។

គួរបញ្ជាក់ថា ក្រុមមេឃខៀវ Man City កាន់តែកៀកក្នុងការគ្រងពាន Premier League នៅរដូវកាលនេះហើយ បន្ទាប់ពីទទួលបាន ៣ ពិន្ទុយ៉ាងសំខាន់យប់មិញ, ខណៈពេលនេះពួកគេមាន ៨៦ ពិន្ទុវ៉ាដាច់ក្រុមលេខ ២ Liverpool ៣ ពិន្ទុ។ ដោយឡែក Newcastle ពេលនេះកំពុងឈរនៅលេខរៀងទី ១៣ មាន ៤៣ ក្នុងដៃ៕

សូមទស្សនាវីដេអូខាងក្រោម៖