បរទេស៖ កីឡាករ Gareth Bale បាននិយាយថាគាត់ពិតជារំភើបខ្លាំងណាស់ដែលបានឃើញអតីតដៃគូយល់ចិត្ត Cristiano Ronaldoត្រឡប់ទៅចូលរួមជាមួយក្រុម ManchesterUnited វិញ ហើយគាត់រំពឹងថាខ្សែប្រយុទ្ធរូបនេះ នឹងអាចសម្របខ្លួនបានឆាប់រហ័សជាមួយការលេងនៅPremier League ព្រោះដោយសារគាត់ធ្លាប់ជោគជ័យជាមួយបាល់ទាត់អង់គ្លេស ម្តងរួចមកហើយ។<figure style="text-align:center"><img src="https://cms.dmpcdn.com/article/2021/09/08/17366940-1051-11ec-9d7d-a3b571ed928f_original.jpg" alt="&amp;nbsp; កីឡាករ&amp;nbsp;Gareth Bale និង Cristiano Ronaldo" style="width:100%"/><figcaption>&nbsp; កីឡាករ&nbsp;Gareth Bale និង Cristiano Ronaldo</figcaption></figure>គួរបញ្ជាក់ថា ម្ចាស់ពាន Ballond’Or ៥ សម័យនឹងអាចបង្ហាញខ្លួនលើកដំបូងឱ្យ ManUTD នៅថ្ងៃ សៅរិ៍ នេះតែម្តង ដោយក្រុមបិសាចក្រហម នឹងត្រូវបើកកីឡដ្ឋានOld Trafford របស់ខ្លួនទទួលស្វាគមន៍ភ្ញៀវ NewcastleUnited សម្រាប់ការប្រកួតសប្តាហ៍ទី ៤ នៃក្របខណ្ឌ PremierLeague, ខណៈកាលពីថ្ងៃ អង្គារ៍ម្សិលមិញ Ronaldo បានទៅដល់ជុំរុំហ្វឹកហាត់ Carrington ជាលើកដំបូងផងដែរ ក្រោយឃ្លាតឆ្ងាយអស់រយៈពេល ១២ឆ្នាំ។<figure style="text-align:center"><img src="https://cms.dmpcdn.com/article/2021/09/08/17a02790-1051-11ec-a8b1-b5fb4a836223_original.png" alt="Cristiano Ronaldo" style="width:100%"/><figcaption>Cristiano Ronaldo</figcaption></figure>ទន្ទឹមនឹងនេះ មុនពេលក្រុមជម្រើសជាតិវែលន៍ ត្រូវប្រកួតតទល់ជាមួយក្រុម អេស្តូនី នៅក្នុងវគ្គជម្រុះ World Cup,Bale ត្រូវបានគេចោទសួរនៅលើប្រព័ន្ធផ្សព្វផ្សាយបណ្តាញសង្គមផងដែរអំពីការវិលត្រឡប់ទៅកាន់ទឹកដី អង់គ្លេស វិញ របស់ Ronaldo, ជាមួយគ្នានោះ ខ្សែប្រយុទ្ធរបស់ក្រុម Real Madrid បានបង្ហាញក្តីជឿជាក់យ៉ាងមុតមាំថា អតីតមិត្តរួមក្រុមរបស់គេនឹងបន្តធ្វើបានល្អទោះបីជាមានវ័យរៀងជ្រែបន្តិចយ៉ាងណាក្តី។<figure style="text-align:center"><img src="https://cms.dmpcdn.com/article/2021/09/08/1803a450-1051-11ec-9d7d-a3b571ed928f_original.jpg" alt="&amp;nbsp; កីឡាករ&amp;nbsp;Gareth Bale" style="width:100%"/><figcaption>&nbsp; កីឡាករ&nbsp;Gareth Bale</figcaption></figure>ថ្លែងនៅក្នុងកិច្ចសម្ភាសន៍ Baleបាននិយាយយ៉ាងដូច្នេះថា៖<blockquote><aside>ខ្ញុំប្រាកដណាស់ថាគាត់នឹងធ្វើបានល្អ។ គាត់ធ្លាប់បានលេងនៅក្របខណ្ឌ Premier League ពីមុនម្តងរួចមកហើយ, ដូច្នេះគាត់នឹងអាចយល់ពីលីគមួយនេះបានឆាប់រហ័ស។ គ្រប់គ្នាដឹងហើយថាគាត់ធ្លាប់ធ្វើបានគ្រប់យ៉ាងនៅក្នុងវស័យបាល់ទាត់។ សមត្ថភាពស៊ុតបញ្ចូលទីរបស់គាត់គឺមានលក្ខណៈពិសេសដោយអ្នកដ៏ទៃមិនងាយធ្វើដូចនោះទេ, ដូច្នេះខ្ញុំប្រាកដថា គាត់នឹងអាចធ្វើបានល្អហើយរកគ្រាប់បញ្ចូលទីបានច្រើន។ ខ្ញុំពិតជារំភើបណាស់ដែលបានឃើញរឿងបែបនេះ ដូចទៅនឹងអ្នកគាំទ្រដទៃទៀតដែរ៕</aside><label>— &nbsp; កីឡាករ&nbsp;Gareth Bale</label></blockquote>ប្រភព៖​ <a href="https://metro.co.uk/2021/09/07/gareth-bale-backs-cristiano-ronaldo-to-succeed-back-at-manchester-united-15221225/">Metro</a>

អតីតដៃគូដៃកង់! Bale ថាដោយសារមូលហេតុនេះ Ronaldo នឹងអាចស៊ុតបញ្ចូលទីបានច្រើន PL