វ័យទើប២៦ឆ្នាំសោះ! កីឡាករជម្រើសជាតិកាម៉េរូនរូបនេះប្រកាសចូលនិវត្តន៍ពីក្រុមជម្រើសជាតិទៅហើយ

December 24, 2022

បរទេស៖ អ្នកចាំទី Andre Onana បានលាលែងពីក្រុមជម្រើសជាតិបជាផ្លូវការហើយ នៅក្នុងសេចក្តីថ្លែងការណ៍ផ្លូវការមួយដែលបានចេញផ្សាយនៅលើ twitter របស់គាត់។

ជាការពិតណាស់កីឡាករសញ្ជាតិកាមេរូនត្រូវបានធ្លាក់ត្រឹមវគ្គចែកពូលក្នុងព្រឹត្តិការណ៍ World Cup 2022 នេះចេញហើយឥឡូវនេះអ្នកចាំទីរូបនេះលែងចង់លេងតំណាងឲ្យប្រទេសរបស់គាត់ទៀតហើយ។

ជាក់ស្តែងអ្នកចាំទីក្រុម Inter Milan នឹងអតីតអ្នកចាំទី Ajax រូបនេះបានបង្ហោះសារនៅក្នុងបណ្តាញសង្គម Twitter យ៉ាងដូច្នេះថា៖

វាបានចាប់ផ្តើមឡើងនៅ Ngol Nkok ដែលជាភូមិតូចមួយ ប្រទេសកាម៉េរូន គ្រួសាររបស់ខ្ញុំបានធ្វើឱ្យខ្ញុំស្គាល់នូវតម្លៃដែលជាអត្តសញ្ញាណប្រជាជនកាម៉េរូន។ ខ្ញុំយល់ថាសេចក្តីស្រឡាញ់ចំពោះប្រទេសនេះគឺរុងរឿងជានិច្ច ហើយការប្តេជ្ញាចិត្តនេះមិនអាចចរចារបានឡើយ។ ហើយឥឡូវនេះ បន្ទាប់ពីការហ្វឹកហាង់ជាច្រើនម៉ោង ការធ្វើដំណើរគ្មានទីបញ្ចប់ និងការតស៊ូជាច្រើន ខ្ញុំអាចនិយាយដោយមោទនភាពថាខ្ញុំបានបំពេញក្តីសុបិនដ៏អស្ចារ្យរបស់ខ្ញុំ។ ប៉ុន្តែគ្រប់រឿងទាំងអស់ ទោះបីជាស្អាតប៉ុណ្ណាក៏មានទីបញ្ចប់ដែរ។ ហើយរឿងរបស់ខ្ញុំជាមួយក្រុមជម្រើសជាតិកាមេរូនបានដល់ទីបញ្ចប់ហើយ។ អារម្មណ៍របស់ខ្ញុំនឹងមិនផ្លាស់ប្តូរទេ។ បេះដូងជនជាតិកាម៉េរូនរបស់ខ្ញុំនឹងបន្តលោត ហើយគ្រប់ទីកន្លែងដែលខ្ញុំទៅ ខ្ញុំនឹងតស៊ូជានិច្ចដើម្បីលើកទង់ជាតិកាមេរូន ឱ្យខ្ពស់តាមដែលអាចធ្វើទៅបាន។ ខ្ញុំនឹងបន្តគាំទ្រក្នុងនាមជាអ្នកគាំទ្រ ដូចដែលប្រជាជនកាមេរូនជាង ២៧ លាននាក់ធ្វើរាល់ការប្រកួត។ ខ្ញុំគ្រាន់តែអាចអរគុណអ្នកទាំងអស់ដែលជឿទុកចិត្តខ្ញុំ ហើយជឿថាខ្ញុំអាចជួយ និងរួមចំណែកដល់ក្រុមមួយនេះ។
— Andre Onana

គួរបញ្ជាក់ផងដែរ Onana បង្ហាញ ៣៤ ដងក្នុងក្រុមជម្រើសជាតិកាម៉េរូនក្នុងរយៈពេល ៦ឆ្នាំដែលជួយឱ្យពួកគេទទួលបានចំណាត់ថ្នាក់លេខ ៣ នៅ Africa Cup of Nations កាលពីឆ្នាំមុន៕

ប្រភព៖ All football

ដៃគូរសហការ One Football

អានបន្ថែម