ប្រេសុីល យកឈ្នះវ៉េណេស៊ុយអេឡាងាយៗក្នុងកាលប្រកួតបើកឆាកពានរង្វាន់ Copa América ២០២១

បរទេស៖ ក្រុមជម្រើសជាតិសាំបាប្រេសុីលបានបំបាក់ ក្រុមវ៉េណេស៊ុយអេឡា ដោយលទ្ធផល ៣-០ ក្នុងការប្រកួតបើកឆាកពានរង្វាន់ Copa América២០២១ នាកីឡាដ្ឋាន Estadio Nacional de Brasilia ។

ចំពោះជម្រើស១១នាក់ដំបូងរបស់ក្រុមប្រេស៊ីលមានដូចជា៖ Backer , Danilo , Militao , Marquinhos , Lodi , Paquesta , Casemiro , Fred , Jesus , Richarlison , Neymar ។

ចំណែក១១នាក់របស់ក្រុមវ៉េណេស៊ុយអេឡាមានដូចជា៖ Graterol , Ganzalez , L.Martinez , Mania , Pino ,Cumana , A.Martinez , Moreno , Manzano , Casseres , Aristeguieta ។

ក្នុងវគ្គទី១ ខ្សែការពាររបស់ក្រុម PSG កីឡាករ Marquinhos បានជួយឲ្យក្រុមប្រស៊ីលបើកការនាំមុខ ១-០ នៅនាទី២៣ លើក្រុមវ៉េណេស៊ុយអេឡា។

សម្រាប់វគ្គទី២ ខ្សែប្រយុទ្ធ Neymar បានបន្ថែម១គ្រាប់ទៀតនៅនាទី ៦៤ដោយបាល់ពិន័យ១១ម៉ែត្រ បន្ទាប់ពីកីឡាករ Danilo ដួលនៅតំបន់គ្រោះថ្នាក់ ហើយគ្រាប់ចុងក្រោយរកបានដោយកីឡាករទើបតែប្តូរចូលនៅវគ្គទី២ កីឡាករ Garbriel Barbosa នៅនាទី៨៩ ៕

ប្រភព៖​ EN