ចឹងសោះ! មុនផ្ទេរមក Barca គឺ Lewandowski ស្នើខ្លួនឯងទៅក្លិបមួយនេះតែត្រូវបដិសេធ

អេស្ប៉ាញ៖ ខ្សែប្រយុទ្ធ Robert Lewandowski ត្រូវបានអ្នកកាសែត Jorge C. Picon ពីសារព័ត៌មាន Relevo រាយការណ៍ថាបានស្នើខ្លួនឯងទៅក្លិប Real Madrid តែត្រូវបដិសេធ មុននឹងផ្លាស់មក Barcelona តែម្ដង។

​កីឡាករសញ្ជាតិប៉ូឡូញរូបនេះបានចែកផ្លូវជាមួយ Bayern Munich នៅឆ្នាំ២០២១ ដោយគេចង់ផ្លាស់ប្ដូរបទពិសោធន៍បន្ទាប់ពីឈ្នះពានរង្វាន់ Champions League ជាមួយ Bayern Munich រួចមក។

​ភ្នាក់ងាររបស់ Lewandowski បានទាក់ទងទៅក្លិបជាច្រើនផ្ដើមពី Real Madrid ដោយខ្សែប្រយុទ្ធរូបនេះចង់ផ្លាស់ទៅទឹកដី Santiago Bernabeu ខ្លាំងណាស់ ប៉ុន្តែខាង Real Madrid បានបដិសេធមិនយកគេមករួមក្រុមទេ ដោយសារ Lewandowski មានវ័យចំណាស់ហើយ។ម្យ៉ាងទៀតកាលណោះក្លិបក៏កំពុងចង់ទិញយក Kylian Mbappe ពី Paris Saint-Germain ផងដែរ។

​បន្ទាប់មក Robert Lewandowski ក៏សម្រេចចិត្តផ្លាស់មក Barcelona ដោយមកទល់ណេលនេះរកបាន ១៩គ្រាប់ និងបញ្ជូនបាល់៤គ្រាប់ ក្នុងការបង្ហាញខ្លួន២១ប្រកួតនារដូវកាលនេះ៕

ប្រភព៖​ sportskeeda