៨៦លានយកចុះ! Bayern Munich បញ្ចេញតម្លៃខ្លួនកីឡាករជួរមុខរូបនេះហើយ

អាល្លឺម៉ង់៖ ក្លិប Bayern Munich បានដាក់តម្លៃខ្លួនរបស់ខ្សែប្រយុទ្ធ Kingsley Coman ចំនួន៨៦លានផោន(ស្មើនឹងប្រមាណ១១៩លានដុល្លារ) ខណៈដែលក្លិបនៅ Premier League មួយចំនួនដូចជា Manchester United,Liverpool និង Chelsea កំពុងចាប់អារម្មណ៍ចង់បានគេ។

កីឡាករសញ្ជាតិបារាំងរូបនេះនៅសល់កុងត្រាដល់ទៅ២ឆ្នាំជាមួយអាល្លឺម៉ង់ប៉ុន្តែឪពុករបស់ Coman ចង់ឲ្យកូនប្រុសខ្លួនផ្ទេរមកលេងនៅ Premier League វិញ។

Coman ចង់ឲ្យ Bayern Munich ដំឡើងថ្លៃឈ្នួលប៉ុន្តែ ក្លិបបានបដិសេធដោយមិនមានលទ្ធភាពនោះឡើយស្របពេលវិបត្តិហិរញ្ញវត្ថុដោយសារជំងឺកូវីដ១៩នៅតែកើតមាន។

មានពាក្យចចាមអារ៉ាមផងដែរថា ក្លិបហង្សក្រហម Liverpool ចង់បាន Kingsley Coman ដោយបានដាក់សំណើទឹកប្រាក់ ៤០លានផោន(ស្មើនឹងប្រមាណ៥៥.៣លានដុល្លារ)ប៉ុន្តែត្រូវ Bayern Munich បដិសេធដូច្នេះ Manchester United និង Chelsea អាចនៅមានឱកាសប្រជែងយកខ្សែប្រយុទ្ធរូបនេះ៕

ប្រភព៖​ metro