មានម្នាក់ឆ្លងកូវីដ១៩! លោក Tuchel ថាកីឡាករ៤រូបនេះគ្មានវត្តមានក្នុងការប្រកួតទល់នឹង Juventus ទេ

September 29, 2021

អង់គ្លេស៖ លោកគ្រូបង្វឹក Thomas Tuchel បាននិយាយថាកូនក្រុមរបស់លោក៤រូបនឹងអវត្តមានក្នុងការប្រកួតទល់នឹង Juventus ក្នុងក្របខណ្ឌ Champions League នៅថ្ងៃទី៣០ខែកញ្ញាខាងមុខនេះ។

ខ្សែបម្រើ Mason Mount និង Christian Pulisic

កីឡាករទាំង៤រូបនោះគឺ ខ្សែបម្រើ Christian Pulisic,Mason Mount,Reece James ដែលសុទ្ធតែរងរបួស និង N'Golo Kante ដែលបានឆ្លងកូវីដ១៩។

ខ្សែបម្រើ N'Golo Kante និង Christian Pulisic

ថ្លែងក្នុងសន្និសីទកាសែត លោក Tuchel និយាយថា៖

របួសរបស់ Reece នៅតែមានការឈឺចាប់ខ្លាំង ពួកយើងគិតថាគេនៅបន្តបែបនេះរហូតដល់មួយអាទិត្យយ៉ាងតិច។
— លោកគ្រូបង្វឹក Thomas Tuchel

ខណៈនោះដែរ លោកក៏បានបង្ហើបថា N'Golo Kante បានឆ្លងជំងឺកូវីដ១៩៖

ខ្ញុំមិនដឹងថាកីឡាករប៉ុន្មាននាក់ទេដែលបានចាក់វ៉ាក់សាំង ពួកគេធំៗអស់ហើយគឺមានសិទ្ធិសម្រេចដោយខ្លួនឯង។ខ្ញុំមិនបានខឹង Kante ទេ គឺខ្ញុំខ្វល់ខ្វាយពីគេដូចអ្នកឯទៀតដែលរងរបួសដែរ។
— លោកគ្រូបង្វឹក Thomas Tuchel

ប្រភព៖ metro

ដៃគូរសហការ One Football

អានបន្ថែម