ម្យ៉ាងដែរ! មុនជួបគ្នានៅ UCL, គ្រូធំរបស់ Bayern បានលើកឡើងពី Barca បែបនេះ ក្រោយពួកគេគ្មាន Messi

September 7, 2021

បរទេស៖ នៅថ្ងៃទី ១៤ ខែ កញ្ញាខាងមុខ ក្រុម Barcelona នឹងត្រូវជួបជាមួយក្រុម Bayern Munich នាការប្រកួតពានរង្វាន់ Champions League ក្នុងវគ្គជម្រុះតាមពូល, ហើយលោក Julian Nagelsmann ដែលជាត្រូវជាគ្រូបង្វឹករបស់ក្រុមជើងឯក Bundesliga ជឿជាក់ថា ក្រុមអ្នកមានបុណ្យនឹងក្លាយជាក្រុមមួយដែលមានលក្ខណៈផ្សេងទៀតបន្ទាប់ពីពួកគេគ្មាន Lionel Messi។

លោក Julian Nagelsmann — លោក Julian Nagelsmann

គួរបញ្ជាក់ថា Messi បានផ្ទេរចេញពីក្រុម Barcelona ហើយនៅរដូវក្តៅនេះ, ដោយសារតែក្រុមអ្នកមានបុណ្យមិនអាចបន្តកុងត្រាថ្មីជូនរូបគេបាន,ហើយគ្រូបង្វឹករបស់ក្រុម Bayern Munich បានពន្យល់ថា ក្រោយខ្សែប្រយុទ្ធសញ្ជាតិ អាហ្សង់ទីន ចាកចេញទៅនឹងធ្វើឱ្យកីឡាកររបស់ Barca មួយចំនួនមានសេរីភាពក្នុងការលេងជាងមុនជាមួយនឹងការចាប់ផ្តើមទម្រង់លេងថ្មីផងដែរ។

លោក Nagelsmann បានមានប្រសាសន៍យ៉ាងដូច្នេះថា៖

កីឡាករឆ្នើមម្នាក់បានចាកចេញទៅ,ដែលរូបគេជាកីឡាករម្នាក់ដែលបានស្នាក់នៅក្លិបមួយនេះអស់រយៈពេលច្រើនឆ្នាំមកហើយ។ Messiពិតជាមានឥទ្ធិពលខ្លាំងមែនទែនទាំងនៅក្នុងទីលាននិងនៅក្នុងបន្ទប់ផ្លាស់សម្លៀកបំពាក់។ គាត់ជាកីឡាករម្នាក់ដែលមានការសម្រេចចិត្តច្បាស់លាស់,ប៉ុន្តែខ្ញុំគិតថាក្រោយការចាកចេញរបស់គាត់នឹងធ្វើឱ្យកីឡាករក្នុងក្រុមពួកគេមួយចំនួនមានសេរីភាពជាងមុនសម្រាប់ការលេងនៅក្នុងតំណែងរបស់គាត់ពីមុន។ គាត់ជាកីឡាករលដាប់ពិភពម្នាក់ ដែលតែងតែដឹងពីការម្រេចចិត្តដោយខ្លួនឯងនៅក្នុងការប្រកួត។ក្រុមមួយចំនួននឹងកាន់តែល្អប្រសើរប្រសិនបើមាន Messi ជាងគ្មាន Messi។
— លោក Julian Nagelsmann

លោក Nagelsmann បានបន្តទៀតថា៖

យើងនឹងត្រូវប្រឈមមុខជាមួយ Barcelonaនៅសប្តាហ៍ក្រោយ។ យើងនឹងលេងនៅក្នុងទីក្រុងដ៏អស្ចារ្យមួយរួមជាមួយទីលានដែលមានភាពល្អប្រសើរផងដែរ។ ក្រុមយើងទាំង ២ នេះគឺជាក្រុមដែលមានប្រពៃណីនិង អ្នកគាំទ្រដ៏អស្ចារ្យដូចគ្នា៕
— លោក Julian Nagelsmann

ប្រភព៖ Marca

អានបន្ថែម