កប់ណាស់! Arsenal បោះ ៥៥ លាន បូកកីឡាករថែមម្នាក់ទៀត ដើម្បីចរចាយកខ្សែប្រយុទ្ធរូបនេះមកជំនួស Aubameyang

បរទេស៖ក្លិប Arsenalបានដាក់សំណើទឹកប្រាក់ចំនួន៥៥ លានអឺរ៉ូ ឬប្រមាណជា (៦២ លានដុល្លាអាមេរិក) បូករួមកីឡាករ Lucas Torreiraម្នាក់ទៀតដើម្បីចរចាយកខ្សែប្រយុទ្ធកំពុងឡើងកូដDusan Vlahovic ពីក្រុមFiorentina,នេះបើតាមសេចក្តីរាយការណ៍។

ជាការពិតណាស់កីឡាករវ័យ ២១ ឆ្នាំកំពុងក្លាយជារ៉ាដារបស់ក្លិបធំៗនៅតំបន់ អឺរ៉ុប, បន្ទាប់ពីរូបគេបង្ហាញខ្លួនបានយ៉ាងល្អនៅលីគSerie A,តួយ៉ាងរដូវកាលនេះរូបគេរកបាន ១៦ គ្រាប់ក្នុងចំណោមការបង្ហាញខ្លួន ១៩ ប្រកួត។

យោងតាមការចុះផ្សាយរបស់កាសែតGazzetta dello Sport បានឱ្យដឹងថា, ឥឡូវនេះ Arsenal កំពុងដំណើរការលើការផ្ទេរ Vlahovic ដោយក្លិបបានដាក់សំណើទឹកប្រាក់ចំនួន ៥៥លានអឺរ៉ូ ឬប្រមាណជា (៦២ លានដុល្លាអាមេរិក) បូករួម Torreira ម្នាក់ទៀតដើម្បីចរចាជាមួយក្លិប Fiorentina៕

ប្រភព៖​ Metro