ស្ងាត់ៗ Barca បានឈានដល់កិច្ចព្រមព្រៀងក្នុងការទិញយកខ្សែបម្រើម្នាក់នេះក្នុងតម្លៃ២០លាន

អេស្ប៉ាញ៖ ក្លិប Barcelona បានឈានដល់កិច្ចព្រមព្រៀងក្នុងការចុះត្រាយក ខ្សែបម្រើ Carlos Soler ពីក្លិប Valencia ហើយ។

សារព័ត៌មាន Diario AS បានចុះផ្សាយថា ភាគីលោក Xavi Hernandez បានទិញយក Soler ក្នុងតម្លៃជាង២០លានអឺរ៉ូ(ស្មើនឹងប្រមាណ ២១ លានដុល្លារ) ដោយកីឡាកររូបនេះនឹងចូលរួមជាមួយក្លិបនៅរដូវក្ដៅខាងមុខ។​

កុងត្រារបស់ Carlos Soler នឹងអស់សុពុលភាពជាមួយ Valencia នៅរដូវក្ដៅឆ្នាំ២០២៣ខាងមុខនេះហើយ ខណៈដែល Barca ចង់បានគេមកជំនួសខ្សែបម្រើ Frenkie de Jong ដែលក្លិបទំនងជាដាក់លក់នៅទីផ្សាររដូវក្ដៅខាងមុខ។

មុនដំបូង Barcelona ចង់យក Soler ដោយគ្មានតម្លៃខ្លួនក្រោយគេចប់កុងត្រាជាមួយ Valencia ប៉ុន្តែឥលូវនេះក្លិបចង់បានគេនៅរដូវកាលក្រោយតែម្ដង។​

គួរបញ្ជាក់ផងដែរថា Carlos Soler បណ្ដុះចេញពីថ្នាលយុវជនរបស់ Valencia ដោយគេស៊តបញ្ចូលទីបាន៣៥គ្រាប់ក្នុងការបង្ហាញខ្លួន ២១៩ ប្រកួតនិងបានបង្ហាញខ្លួនឲ្យជម្រើសជាតិអេស្ប៉ាញចំនួន៦ប្រកួតផងដែរ៕

ប្រភព៖​ football-espana