Dembele យប់មិញព្រលះមួយជើងអ៊េមណាស់ ជួយឲ្យ Barca បំបាក់ At.Madrid ១-០ ឡើងឈរកំពូលតារាងនៅ LaLiga (មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃ ចន្ទ ទី ០៩ ខែ មករា ឆ្នាំ ២០២៣ ក្រុមម្ចាស់ផ្ទះ Atletico Madrid បានបើកទ្វាកីឡដ្ឋាន Metropolitano របស់ខ្លួន ទទួលស្វាគមន៍ក្រុមភ្ញៀវ Barcelona នៅក្នុងការប្រកួតសប្តាហ៍ទី ១៦ នៃក្របខណ្ឌ La Liga។

ជាការពិតណាស់ នៅក្នុងជំនួបនៃក្រុមខ្លាំងទាំង ២ ពិតជាតានតឹងមែនទែន ប៉ុន្តែជារួមខាងក្រុមភ្ញៀវ Barca ហាក់ធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេទទួលជ័យជម្នះទៅលើក្រុម At Madrid ក្នុងលទ្ធផល ១-០ ខណៈមួយគ្រាប់នោះគឺរកបានដោយ Ousmane Dembele នៅនាទីទី ២២។

គួរបញ្ជាក់ថា Barcelona បច្ចុប្បន្នកំពុងឈរនៅនៅកំពូលតារាង មាន ៤១ ពិន្ទុក្នុងដៃ វ៉ាដាច់ក្រុមក្រុមលេខ ២ Real Madrid ចំនួន ៣ ពិន្ទុ, ចំណែក At Madrid វិញ បច្ចុប្បន្នពួកគេកំពុងឈរនៅលេខរៀងទី ៥ មាន ២៧ ពិន្ទុក្នុងដៃ៕

សូមទស្សនាវីដេអូខាងក្រោម៖