ទំនើបណាស់! មកមើលទិដ្ឋភាពក្នុងផ្ទះថ្មីរបស់ Ronaldo នៅទីក្រុង Manchester មានបន្ទប់៧ឯណ្ណោះ

អង់គ្លេស៖ ខ្សែប្រយុទ្ធ Cristiano Ronaldo កំពុងតែស្នាក់នៅដោយឡែកឡែកចំនួនប្រាំថ្ងៃនៅក្នុងគេហដ្ឋានថ្មីរបស់ខ្លួននាទីក្រុង Manchester ជាមួយក្រុមគ្រួសារក្រោយចាកចេញពីជំរុំហ្វឹកហាត់របស់ក្រុមជម្រើសជាតិព័រទុយហ្កាល់។

ជាការពិតណាស់ កីឡាករវ័យ៣៦ឆ្នាំខាងលើ នឹងត្រូវលេងឲ្យ Manchester United ជាថ្មីម្តងទៀតបន្ទាប់ពីបានចាកចេញពី Juventus ក្នុងតម្លៃខ្លួន១៩.៨លានផោន (ឬប្រមាណ២៧លានដុល្លារ) ហើយ រូបគេទំនងជានឹងអាចបង្ហាញខ្លួនជាផ្លូវការណ៍ក្នុងការប្រកួតទល់នឹង Newcastle នៅថ្ងៃសៅរ៍សប្តាហ៍ក្រោយនៃការប្រកួតក្នុងក្របខណ្ឌ Premier League។

កាលពីថ្ងៃព្រហស្បតិ៍កន្លងទៅនេះ Ronaldo បានចាកចេញពីទីក្រុង​ Faro នៃប្រទេសព័រទុយហ្កាល់តាមរយៈយន្តហោះផ្ទាល់ខ្លួនសំដៅមកកាន់ទីក្រុង Manchester ជាមួយនឹងសង្សារកញ្ញា Georgina Rodríguez ព្រមទាំងកូនៗបួនរូបទៀត។ Ronaldo ក៏បានមកស្នាក់នៅក្នុងគេហដ្ឋានថ្មីរបស់ខ្លួនដែលមានទីធ្លាធំទូលាយ មានបន្ទប់ចំនួនប្រាំពីរ អាងហែលទឹក កន្លែងហាត់ប្រាណ និង បន្ទប់មើលរឿងកុន ជាដើម៕

ចង់ដឹងថាទិដ្ឋភាពគេហដ្ឋានថ្មីរបស់ Ronaldo ស្អាតយ៉ាងណាយើងទៅមើលរូបភាពខាងក្រោម៖

ប្រភព៖​ dailymail