ឡើងកាន់តំណែងជាគ្រូបង្វឹក ព័រទុយកាល់ ភ្លាម លោក Martinez បាននិយាយបែបនេះរឿងកោះហៅ Ronaldo ចូលក្រុមជម្រើសជាតិ

January 10, 2023

បរទេស៖ អតីតគ្រូបង្វឹករបស់ក្រុមជម្រើសជាតិ ប៊ែលហ្ស៊ិក លោក Roberto Martinez បាននិយាយពីគម្រោងរបស់ខ្លួនជាមួយ Cristiano Ronaldo បន្ទាប់ពីលោកត្រូវបានតែងតាំងជាគ្រូបង្វឹកថ្មីរបស់ក្រុមជម្រើសជាតិ ព័រទុយកាល់ ជំនួសលោក Fernando Santos។

ជាការពិតណាស់ ថ្មីៗនេះ ព័រទុយកាល់ ទើបតែប្រកាសតែងតាំងលោក Martinez ជាអ្នកចាត់ការថ្មី បន្ទាប់ពីលោក Santos លាលែងចេញពីតំណែង ក្រោយលោកមិនអាចជួយឱ្យក្រុមរហស្សនាម បញ្ចខែល លើកពាន FIFA World Cup បាន។

ក្រោយឡើងកាន់តំណែងជាអ្នកចាត់ការថ្មីរបស់ ព័រទុយកាល់ លោក Martinez បានមានប្រសាសន៍យ៉ាងដូច្នេះថា៖

ការសម្រេចចិត្តនៅក្នុងបាល់ទាត់ គឺកើតឡើងពីការលេងផ្ទាល់នៅលើទីលាន។ ខ្ញុំមិនមែនជាគ្រូបង្វឹក ដែលចាំធ្វើការសម្រេចចិត្តក្នុងការិយាល័យទេ។ ដូច្នេះ ចំណុចចាប់ផ្តើមរបស់ខ្ញុំគឺចង់ទាក់ទងកីឡាករទាំងអស់ ហើយខ្ញុំចង់ទាក់ទងជាមួយពួកគេ។ បញ្ជីឈ្មោះកីឡាករទាំង 26 នាក់ពី World Cup គឺជាចំណុចចាប់ផ្តើមរបស់ខ្ញុំ ហើយ Cristiano គឺជាកីឡាករក្នុងបញ្ជីនោះ គាត់បាននៅជាមួយក្រុមជម្រើសជាតិអស់រយៈពេល 19 ឆ្នាំ ហើយគាត់សមនឹងទទួលបានការគោរព ដែលអាចអង្គុយដើម្បីជជែកគ្នាបាន៕
— លោក Roberto Martinez

ប្រភព៖ Sportbible

ដៃគូរសហការ One Football

អានបន្ថែម